Io regretta isto, ma usque nunc io non ha potite
accessar Coollist.

Si vos ha legite lo que io ha scribite sur
"idiolectos" vos sape que io crede que discussiones
interminabile sur le legitimitate de parolas como
"unes" in vice de "alicun" es interminabile e de pauc
valor.

Io anque crede que in su grammatica, Gode non esseva
clar in lo ille intendeva sur le traduction del parola
anglese "some" proque ille non provideva exemplos de
phrases e propositiones usante su traductiones.

Gode tamen presentava multe evidentia in diverse
partes de su grammatica indicante fortemente que ille
esseva flexibilissime in questiones grammatic, e io
crede que ille appoiarea mi uso de uso de "unes
libros" in vice de "alicun libros" si ille esseva
disponibile pro facer contributiones a iste foro.

Io comprende proque omne vos prefere usar iste foro
pro discussiones general in vice de debattos grammatic
sur le legitimitate de parolas como unes/al(i)cun in
lor uso adjectival con nomines plural, e io essayara
minimisar/minimizar/minimalisar/minimalizar mi
messages sur/super tal cosas.

__________________________________________________
Do you Yahoo!?
Yahoo! Mail Plus - Powerful. Affordable. Sign up now.
http://mailplus.yahoo.com