STAN MULAIK wrote:
>
> Bon festas a vos, Mario.  Le nocte ultime, tosto post le poner del sol, io
> retornava a mi casa del shopping, e io videva le grandissime levatura del luna
> plen in mi vita!  Il esseva le ultime luna plen del millenio!  Assi, quando io
> arrivava a casa, io appellava a mi sposa a vestir se e venir con me in mi
> automobile.  Nos conduceva nos a un loco presso un schola ubi il habeva necun
> arbos a blocar le vista del luna.  Il esseva meraviliose.  Le aere esseva
> clar e le luna pareva tanto grande justo supra le horizonte.
>

E Jay scribeva:
> In Nove Hampshire tamben le luna esseva meraviliose!
> Mi sposa e io andava per nostre strata, le luna como
> sempre nos accompaniava in direction con cata
> movimento :-) Ma grande e imponente ille lunata, e le
> celo tanto calme e quiete. Le temperatura del aere
> esseva glacial e le tote scena celestial pareva star
> detra un vitrina de crystallo polite.
>

Io videva isto un die ante le plenilunio. Nos habeva minus 12 grados! Nunc
denove es circum zero e, como le philosophos dice, panta rei.

Le luna essera le plus proxime al terra le 3 de januario.

Parlante del Luna io es multo felice, proque hieri io trovava un Calendario
del vetere stilo svedese, con exacte notas del levar e bassar del sol e luna
pro cata die a cinque horizontes in Svedia. Fantastic! Lo plus interessante es
le notas pro le luna a varie locos e periodos del anno. Multo interessante. E
como in le vetere calendarios il ha alcun articulos con contento edificante:
un del pollution luminose del atmosphera que quasi impossibilisa le astronomia
visual e radiational, e un articulo del Svedese Agentia National de
Statistica. Multo interessante, brevemente dicte.

Amicalmente