Car amicos,

Con attention io ha legite vostre contributiones al duscussion super mi
proposition de traducer al anglese mi dictionario Interlingua-Nederlandese.
Ecce mi reaction a vostre remarcas e propositiones.

1.
Le programma computatorial de mi dictionario ha essite facite per mi filio
Vincent in le anno 1991, quando io non jam me occupava del internet. Isto
ha causate que le programma del dictionario non ha un function pro su
transcription a p.ex. un e-mail que io poterea inviar a Jay Bowks, qui me
lo ha demandate. Post un septimana io vole contactar mi filio, qui nunc es
in vacantias in Espania, pro peter le de installar un tal function .Ma io
non sape si isto es possibile.

2.
Il ha pro me quatro rationes pro preferer mi dictionario al encyclopedia de
Macovei.:
A. Il non habera problemas de copywright.
B. Mi texto es facilemente legibile.
C. Mi libro es un dictionario pur con multissime exemplos, ma sin
informationes encyclopedic que pote devenir obsolete in curte tempore.
D. Le numero de entratas de mi dictionario es multo plus grande (quasi 50
000).

3.
Il es ver que le traductores debe haber un certe cognoscentia del lingua
nederlandese e naturalmente plen cognoscentia del anglese. Cetero io es
preste a controlar lor labores e forsan io potera trovar ancora un altere
nederlandese pro facer le controlo.

4.
Il non es possibile pro me de reproducer un pagina del texto hic in iste
message electronic. Ma a cata interlinguista interessate io va inviar per
posta normal alcun paginas authentic de mi dictionario. Da me vostre
adresses!

Salutes amical de
Piet Cleij