Amicos,

Post suggestion de Allan Kiviaho e supporta de alteres io ha startate un
foro in Delphi nominate "Interlingua in Europa". Il se non tracta de un
rival de INTERLNG como tu pote vider in le scopo hic infra.

Tu es invitate a visitar le foro e anque inscriber te como membro - via
Delphi, sed tu pote acceptar que non solmente interlingua es usate. Il
ha jam un longe texto in svedese ibi. Ma nos prefere scriber in
interlingua normalmente. Le adresse es
http://forums.delphi.com/m/main.asp?sigdir=nostrelingua
Tu debe inscriber te in Delphi ante tu pote vistar le foro. Il es
simple.

Usque ora nos ha create le themas (topics) sequente: Administration e
scopo, Chat e altere opportunitates, Discussiones general e Exercitios
in scriber.

----

SCOPO DEL FORO
Proposition del Maestro del Foro

--- Le scopo general serea a promover interlingua in nostre paises. Illo
significa que nos debe invitar comenciantes e anque usar nostre linguas
materne quando effective in tal objectivos. Como in INTERLNG le scopo es
etiam a permitter exercitios in scriber interlingua. Un rubrica (topic)
separate es create pro isto. Le autor de messages sub iste rubrica
automaticamente desira e permitte adjuta e commenatrios critic.

--- Evitar a tractar le mesme themas como INTERLNG sed concentrar a
cosas nordic e europee.

--- Nos prefere scriber in interlingua in iste foro sed tote linguas
materne del participantes es permittite quando utile. Probabilemente
plure de nos pote leger le grande linguas de Europa.

--- Le foro es create "public" e quicunque pote inscriber se
como membro. Si desirabile io - como Maestro del Foro -
pote plus tarde cambiar lo a un foro "private" - plen- o partialmente.

Suggestiones a meliorar iste declaration del scopo es benvenite

---

De novo - tu es benvenite!

Jan

--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel & Fax +46 (0)90771525; e-mail:
[log in to unmask]; [log in to unmask];
[log in to unmask]; [log in to unmask]
ICQ - UIN nr:785745;
http://www.algonet.se/~armann