Paul Bartlett skrev 2014-02-20 22:06:
> Io es un interlinguaisto 
> esperantic. Io non da apologia! A 
> mi aviso, stabilitate de sexanta 
> annos es multissimo(!) plus 
> importante que purismo theoric. 
> Purismo theoric occidera 
> interlingua. Io non ha interesse 
> in re purismo theoric. De novo, 
> io es un interlinguaisto 
> esperantic. Io desira un lingua 
> auxiliar international como illo 
> es, e non jocos theoric. Purismo 
> theoric es mortifere. Un 
> registration simple del formas 
> theoric es un dissipation de 
> effortio. Si interlingua non es 
> un lingua auxiliar vivente, io 
> non ha interesse.
Ego es toto de accordo con te. Le 
vestigios del historia es 
terrificante. Mi exemplo de parada 
es le grec purificate 
Katharevoussa, que era elaborate 
per Specialistas a un universitate 
francese (si ego ben memora). Illo 
era quasi un modernisation del 
greco classic, le sol error era que 
multo pauc homines era capabile 
usar lo correctemente, e le populo 
debeva sempre pensar, como va ego 
ora scriber iste parola, quia illo 
non es como ego dice quotidianmente.

In Grecia il ha diglossia, diceva 
le linguistas e quasi perdeva lor 
conscientia in admiration, e le 
colonelos qui prendeva le poter in 
le 60-as del passate seculo 
cultivava ille lingua. Quando le 
dictatura cadeva le grecos 
comenciava usar le lingua del 
populo, le demotic greco, e on 
ejectava omne le spiritus asper e 
lennis e alteres e remaneva solo un 
accento pro indicar le syllabas 
tónic. On anque ejectava omne le 
admirate combinationes de litteras 
que significava le mesme son usque 
solo un littera.

Isto es un instructive narration de 
lo que pote occurrer con 
interlingua....

Kjell R


--
Pro leger le archivos e pro modificar o cancellar le subscription:
http://listserv.icors.org/archives/interlng.html