Al mesme tempore que io scribe
isto hic in le citate de Keene,
New Hampshire, USA, il ha un
celebration de Halloween, illes
vole crear un record del "Guiness
Book" pro le plus grande quantitate
de cucurbitas sculpite con facies
spaventose. Ora mesmo io audi
lor celebration desde casa, il ha
focos de artificio e mi sposa me
dice "Vide, vide, veni vide le
focos de artificio". E io le dice
"Non, gratias, io non vole vider
los". In veritate illos memora me
que il ha bombas cadente super
citates in Afghanistan, ma io non
le dice isto a mi sposa. Justo nunc
il habeva in le television un
programma dedicate a historias
de individuos qui superviveva
le attacco del 11 de septembre.

Ma le vita in Keene pare continua.
Lor traditiones pagan tante vive
como antea, le gaudio del infantes
American al ruito del focos de
artificio como tante annos retro.
Insimul le crito plen de timor e terror
del infantes Afghanie al ruito del
bombas e le violentia que destrue
lor infantia, lor innocentia assi securo
como destrue le edificios e le tote
es demolite.

"Io non comprende pro que illes
musulmanes odia nos tanto!" Diceva
un amica nostre. E io me imagina,
in le scholas ubi io insenia nos ha
un programma appellate "Second
Step" (Le secunde paso), illo
insenia tolerantia e resolution
de problemas sin violentia. E io
me imagina le infantes in le "Madras"
o scholas religiose in Afghanistan,
apprendiente... que? Que se le
inseniava al previe generation,
illes qui superviveva le guerra
con le Union Sovietic, e nunc,
un altere inimico, un altere fortia
global, iste vice le Statos Unite.

Le studiantes de Marlborough
School in Marlborough, New
Hampshire, colligeva dollares,
cata infante traheva un dollar
e poneva lo in un cassa pro
le infantes in Afghanistan. Le
CBS News veniva al schola,
illes va apparer in le television
le cinque o sex de novembre,
me pare. In multe scholas etiam
illes faceva lo mesmo, colliger
dollares pro le infantes de
Afghanistan. Qui sape como
resultara isto. Le Al-Qaida
recipeva anque contributiones
ex le Statos Unite, le governo
del USA inviava "Stinger Missiles"
al mujahadin jam annos retro, e
nunc illes lo usa contra le aviones
del Statos Unite... es le solution
plus moneta, o forsan plus materiales
bellic? ...plus artificios de foco?

Assi como io fini iste message al
lista, le focos de Artificio culmina
in un grandissime demonstration
ruitose, e nunc silentio aforas, hic le
gentes vadera a casa, e in Afghanistan?
Habera illac silentio, vadera illes a casa?

Io preca pro le pace, pro le die quando
infantes american e afghanie potera
gauder del mesme pace, del mesme
silentio ab le focos de artificio e le
artificio de focos. Forsan ille die
il non habera ni americanos ni
afghanies, solmente infantes qui
se gaudia con le risos de infantes,
il non ha differentias in le linguas
del rider, illo es un ver lingua
international, le rider del infantes.
Io preca pro un tal futuro, un
futuro de risos, un futuro sin
timor e sin terror.

Con sperantia,
Jay B


le previe "Pro que?" E le
futur que portara illo?