George Carty wrote:

> Salute!
>
> Es le demanda pro ferias de plagia generate solmente per le annuncios de
> companias de viages, o es illo un ration plus fundamental que ecco?  Es
> illo correcte a dicer que le homines es fundamentalmente animales pre le
> tropicos, e que il es innatural de viver in alte latitudes?

Certo. Ante alcun annos nos habeva un unda de frigor (non como in Russia o
in le Statos Unite, ma nonobstante - 25 grados Celsius durante alcun
septimanas, e isto era un problema pro personas con problemas del function
del corde. Ego audiva un discurso (conferentia, prelection) in le radio ubi
un medico diceva: "Isto es naturalmente difficile pro multos. Le humano es
de facto un animal tropic, e nos debe esser consciente de isto."

Quando le temperatura in le estate (o fin de primavera) augmenta al +25
grados C. tote le mundo subito sembla esser un altere, subito le humanos es
plus spontanee. Foras es le letargia del tenebras in novembre, vade via ha
le comatic senso in decembre, disparite in fumo ha le melancholia in
januario. On ha sol.

Nota que un gruppo de scandinavos va sider in le sol, durante le populos de
plus sudic latitudes va allocar se in le umbra.

Solo rabiate canes e scandinavos sorti in le sol de meridie!

Amicalmente

Cellus, un heliolatra