>Date:    Mon, 24 Feb 2014 09:54:54 +0100
>From:    Ruud Harmsen <[log in to unmask]>
>Subject: Re: Systema monetari europee
>
>[reinviate, ora al lista]
>
>05:37 24-2-2014, Mulaik, Stanley A:
>>   Il non ha alcun problema, si le governamento pote crear le
>>moneta necesse pro pagar su debitos (que le nostre face),
>
>Crear moneta ES crear plus debitos. Crear moneta pro pagar
>debitos es principalmente impossibile.
>http://rudhar.com/economi/monydebt/en/

Sape tu le historia de moneta de decreto? Le colonias American
ante le Revolution creava le uso de moneta de decreto, e esseva
multo prospere.  Alora le pais maternal, Brittania declarava
le moneta de decreto del colonias illegal e requireva pagamento
de debitos pro benes importate de Brittania in auro o argento.
Isto esseva un del motivationes pro le Revolution, proque isto 
habeva destruite le economias del colonias, qui habeva necun
auro o argento in sufficiente quantitate como moneta.

Move ora a 1861, le comenciamento del Guerra Civil in le Statos
Unite. Lincoln, nove Presidente, habeva necessitate de moneta
pro prosequer le guerra. Ille vadeva a Nove York al bancas
pro obtener prestatos de moneta. Illes voleva inter 24% e 36%
interesse.  Ille declinava.  Alora alcuno ha suggerite a ille
que ille imprime le moneta.  Illos habeva le nomine de 
'greenbacks' (dorsos verde) a causa del coloro del obverse del
notas. Istos esseva moneta de decreto. Mais illos infuriava
le bancas, proque le Tresoreria poteva crear nove moneta sin
necessitate del bancas private.  In alcun pauc annos le bancas
habeva reversate le situation. Circa 450,000,000 in greenbacks
esseva in circulation, e lor numero esseva reducite. Le bancas
de novo esseva necesse.  

Le Federal Reserva esseva create in 1913. Il ha certe theorias
de conspiration super isto, que non me interesse a iste puncto.
In 1917 le greenbacks o notas del Tresoreria esseva interdicte
per Congresso, e le governamento debeva ir al bancas pro prestatos.
Mais le Federal Reserva (le Fed) habeva le poter de crear moneta
e comprar valores del Tresoreria del bancas (non le Tresoreria)
con moneta create de novo. 

Assi in contrasto con le Tresoreria con le poter de crear nove
moneta directemente, le bancas esseva facite intermedios inter
le Tresoreria e le Fed. On diceva que isto faceva le banca
central (le Fed) independente. Le Fed non poteva comprar valores
directemente del Tresoreria.  Le Tresoreria non poteva tirar
plus moneta de su conto al Federal Reserve Banca que es in illo.
Le Fed non poteva crear moneta e dar lo directemente al Tresoreria.
Assi le Fed esseva 'independente' del Tresoreria. E illo esseva
independente de Congresso, proque le Fed obteneva su moneta
per derectos de transactiones in vender e comprar valores,
6% del interesse del valores a cata vendita.

Mais malgrado iste 'independentia' le Fed e le Tresoreria cooperar
con le un le altere.

Durante que le bancas private crea moneta de nihilo equalmente,
le moneta es create per prestatos a clientes del bancas. Le
moneta existeva in circulation fin que le debito esseva repagate.

Contrari a vostre assertion que il es impossibile que le bancas
non presta lor depositos in iste processo de prestatura, le
bancas american non realmente presta lor depositos.

Vide http://www.forbes.com/sites/francescoppola/2014/01/21/banks-dont-lend-out-reserves/




>
>>e
>>si le governamento equalmente ha methodos pro contrar le
>>inflation (taxas, reduce expendituras governamental, importos,
>>interesse bancari, sparnios, vendimento de valores governmental
>>per le banca central a bancas.  Nos non ha habite hyperinflation.
>
>Ancora non.

Tu refere a alcun hyperinflation?  Quando?

>>E le debito national es redempte per nostre banca central con nove
>>moneta o
>
>E ergo: nove debitos.

Non. Le Fed ha le poter crear nove moneta de nihilo. Alcuno debe
crear lo.  Illo non ha existite pro semper. E quando illo lo crea
le Fed non debe alcuno pro illo.  Illo es pur moneta sin un creditor.
>
>>reconducite (rolled-over) indefinitemente per nostre
>>Tresoreria.
>
>Il es un methodo que pote functionar alcun tempore, ma non
>indefinitemente. It's the road to disaster.

Isto es proque il es bon que le Fed pote crear le moneta necesse
pro redemer le debitos. Le Fed accumula alcun valores del Tresoreria
de bancas. Illo los obtene per comprar con nove moneta crea de
nihilo. 

Le Fed usualmente face iste compras durante deflationes, quando
le interjection de nove moneta in le circulation esserea le minus
inclinate verso le inflation.  De facto le deflation es quando
il ha insufficiente moneta in circulation pro comprar tote le
benes producite o pagar pro lor production. Le economia ha 
necessitate de nove moneta ponite in circulation.  

Mais le Congresso debe cooperar. De facto illo ha le poteres
ultime. Si le bancas non presta, proque le commercios non
vole facer se prestar moneta proque il ha insufficiente demanda
pro lor benes, le Congresso debe crear aquelle demanda per
expender super projectos, p.e. super le infrastructura del
pais: camminos, stratas, vias; pontes; barrages; retes electric;
dicas; ferrovias; aeroportos; le securitate systemas public
(policia e pumperos); education; hospitales, etc. etc. Isto
face beneficios pro tote le mundo. In le processo, obreros es
empleate pro facer le labor directe in indirecte. Le compra de
materias, e de obreros con lor gages crea le demanda necesse
a facer le commerciantes expander lor production e venditas.
Alora istes emplea nove obreros equalmente, qui compra le
benes de altere venditores e productores con lor gages. Le
economia expande, e le bancas presta moneta que illes pote
crear in prestatos al commerciantes pro lor expansion.

Infortunatemente le dominante partita in le Casa de Representantes
de nostre Congresso es opponite a alcun successo pro Pres.
Obama. Illes defia tote effortias de ille pro luctar contra
le recession. Illes ha un false comprehension del natura del
debito national, que nos es al limine de disastro. Toto false.
Un medio del debito national non es le resultato del expendituras
deficitari de Congresso. Illos es simplemente depositos temporal
con le valores del Tresoreria le recipite. Le moneta es la in lor
contos al Fed. Illo essera retornate a illes plus interesse quando
le valores se matura. Iste moneta  non es usate in fundar le operationes de
nostre governamento.  Aquello non es necesse, proque le Tresoreria
pote facer se prestar le moneta del bancas pro isto.  E ultimemente,
le Fed pote extinguer le debito del governamento al bancas con
moneta que illo crea de nihilo. 
>
>>Le idea que le inflation occurre solmente quando il existe plus
>>moneta que benes a precios stabile es erronee.
>
>Le surplus va a altere paises como servir como copertura de
>valuta extere?

Nostre moneta non es fixate a alcun altere moneta.  Pro compras
international nostre moneta flotta in le excambios international.
Nostre debitos es semper in nostre moneta.  

Le asianos como le chineses e le japoneses es nostre primari
importatores. Le importationes extrahe moneta de circulation in
nostre pais.  Illos balancia se contra non solmente exportos,
mais expendituras deficitari del governamento e mesmo le
moneta create per le bancas.  Isto es le ration, io crede que
nos non ha habite major inflation durante que nos habeva duo
guerras in Iraq e Afghanistan, con multe expendituras deficitari.
Como nove moneta esseva create e expendite in le circulation
prosequente le benes e servicios per expendituras deficitari,
le moneta esseva extracte de nostre circulation per le importos.
>
>>Si le moneta
>>que existe non es in circulation in un pais, illo ha necun
>>effecto super le precios.
>
>Exactamente. Ergo: un solution temporari.
>
>>   Un bon exemplo es le 'facilitation
>>quantitative de nostre banca central, que comprava trilliones
>>in valores governamental de bancas.  Il habeva necun inflation
>>proque necun de iste moneta create pro comprar le valores esseva
>>usate pro appoiar nove prestos del bancas
>
>Moneta create == nove prestos. Sempre.

Possibilemente solmente in Europa, mais non in le Statos Unite.
Isto es le problema con aquelle systema.  Tu systema ha
difficultate in crear nove moneta. Le paises del sud de Europa
non es in difficultates ora proque illes faceva mal selectiones.
Moneta ha lassate lor paises al nord de Europa e illes non ha
le capacitate de renovar lo.  Lor fabricas deveni inactive, e
multe obreros es sin empleo. 

>
>>que recipeva le moneta nove.
>
>>E le bancas non va facer nove prestos si le commerciantes
>>non los vole, proque il ha insufficiente demanda pro lor productos.
>>Le nove moneta debe esser in circulation pro crear le inflation.
>>Le governamento debe crear nove moneta e expender lo in circulation
>>super projectos como le infrastrucura del pais. Isto creara nove
>>obreros in construction e altere empleamento, qui va expender
>>iste moneta pro benes e servicios a lor casas, autos, e familias.
>
>Si, e le moneta via a China, que le presta retro a America.
>America prefere prestar moneta de China e le sheiks del petroleo,
>in vice de pagar impostos. 

Le moneta non es usate pro fundar
nostre governamento.  Isto es un mytho. Mais per comprar lor benes
e petroleo, nos balancia nostre budgetos contra expendituras deficitari.
E le vendita de valores tresorari servi pro prevenir le inflation,
proque lor monete se sede foras del circulation e gania le interesse.
E le investores sape que nostre governamento pote semper repagar les
in dollares, il non importa quanto grande le amonta.  De facto nos ha
le major parte de iste moneta jam in contos al Fed.
>
>>E isto va crear le demanda pro plus moneta in circulation que
>>le bancas pote provider.
>
>Un bulla de sapon que va al fin exploder.

Nos ha attendite a iste collapsa pro 60 annos. Nos non va collapsar
proque le governamento expende troppo, mais si nostre sector
private crea bullas per mal investimentos e practicas.  Nostre
currente crise non esseva le resultato de expendituras de governamento
mais de mal regulation de bancas e le systema bancari umbral e le
derivativos e MBSs. 

>
>>Nos ha un systema de moneta per decreto del governamento que es
>>soveran super le moneta.
>
>Un systema periculose. Le banco central debe ser indepente del
>governamento.

Illo es.  Mais illo non pote crear le demanda pro benes e servicios
necesse pro superar un recession.  Io non pensa que vostre banca
central pote crear nove expendituras a su proprie autoritate.
Mais tu Parliamento non ha le poter crear nove moneta, que le nostre
lo ha.
>
>>Le Europa non ha un governamento central soveran super su moneta.
>
>Si, e isto es multe melior.

Realmente?

>>  E le Banca Central Europee non ha le
>>mandato de cercar le plen empleamento in addition a precios stabile.
>>Le prediction esseva, ante le euro zona esseva create, que le
>>systema europee faller, proque il habeva necun governamento con
>>le mandato de ben esser de tote de Europa e su populos e le
>>poter crear qualcunque moneta que es necesse pro facer isto.
>
>Un prediction erronee.

Que occurre in Espania e Italia e Grecia?

Bon! Nos non discute solmente interlingua.  Le poteres debe esser
felice.

Amicalmente,
Stan


--
Pro leger le archivos e pro modificar o cancellar le subscription:
http://listserv.icors.org/archives/interlng.html