Duo septimanas retro a un nocte de sabbato io ha disveloppate un
pena dental in le superior molar posterior.  Il non esseva clar lo que
esseva le dente exacte que produceva le pena.  Mais io habeva comenciate
al mesme tempore un therapia con un antibiotico, doxycyclina, pro
tractar un condition del pelle de mi facie, rosacea.  E io usava
ibuprufen pro le pena.  Io visitava mi dentista le lunedi sequente,
e nos decideva que al minus un del molares superior posterior esseva
le causa de mi pena, mais il ancora non esseva clar lo que esseva
le fonte del pena.  Ille refereva me a un endodontista qui tracta
le interior de dentes, in altere parolas qui face le procedura de
remover le texito in le canales del radices de dentes.  Finalmente
iste nocte previe, io visitava le endodontista.  De facto le pena
habeva subsideva pro al minus un septimana.  Il ancora esseva un
poco de pena in le molar le plus posterior, de facto illo (le dente)
non respondeva al stimulo frigide, que suggereva al endodontista
que il habeva alque mal in aquelle dente.  Illo habeva un
corona de auro super illo, e isto conduce le temperature frigide
multo ben.  Mais mi dente non esseva sensitive al temperatura
frigide de toto.  Finalmente le endodontista, qui esseva un multo
amicabile homine, me persuadeva que le optimal solution esseva
a forar per le corona de auro e vider lo que esseva alla.  Assi
nos comenciava.  Io habeva audite que le operation super le
canal de radices dental es multo penose.  Mais le endodontista
diceva que post anesthetizar mi dente, que io haberea necun pena.
Ille habeva ration.  Le operation esseva totalmente sin pena.
E hodie mi dente senti bon, necun pena de toto.  Le operation
super le canal del radice del dente non es plus penose, de facto
minus penose que preparar un corona o capito pro le dente.

Operationes sin penamente,
Stan Mulaik