====================
AMERICA ANTE PORTAS!
====================

Expedite 971012 - 0310 (hora mundial de Greenwich)

Courier 10!

Newsweek 1997-10-06, p 31 in "Generation Global. Young
Americans Take on the World":
  No one has more to gain from globalism than American
  youth, scions of the world's only superpower, most
  pervasive culture and strongest economy. They have
  grown up in a high-techm free-enterprise way of life
  that large swaths of the world suddenly want to
  emulate.
    And they speak English, which has become a far
    more universal language than Latin was in its
    heyday. English is not just the lingo of
    international airline pilots; it is also a
    common tool of commerce, statecraft,
    entertainment and scholarship and the dominant
    language on the Internet. British experts
    estimate that by 2000, more than 1 billion
    people on the planet - that's about one out of
    six - will be speaking or studying English.

"Generation global - juvene americanis (americani =
americano + americana) conquire le mundo"
  Necuno ha plus de ganiar ex globalismo que juvenes
  american, plantones del sol super-potente del mundo,
  cultura le plus penetrante e economia le plus forte.
  Illis ha devenite adulte in un modo de viver de
  technologia alte e interprendente libere, que grande
  massas (qual es "swath" in isto contexto? -- Allan)
  subito vole emular.
    E illis parla anglese que ha devenite un
    lingua longe plus universal que latino esseva
    in su era de altessa. Anglese non es solmente
    le lingua del pilotas de lineas aeree
    international, il es anque un instrumento
    commun de commercio, habilitate politic,
    intertenimento e erudition e le lingua
    dominante del Interrete. Expertos de
    Britannia estima que ca. A.D. 2000 plus que
    1 milliardo ges sur le planeta - il es ca.
    un per sex - parla o studia anglese.

Le IMPERIUM ROMANUM conquerava bastante grande territorios
circa le Mediterraneo, etiam bon partes del Britannia e
alicun partes in Asia Minor. In isto processo plure culturas e linguas
era perdite e substituite per latino.
E io me gaude super illo.

Le cultura latin non poteva annihilar le cultura e lingua
grec. Russia e Ukraina son grande hereditaris del isto cultura per le
ecclesia orthodoxe.

Hodie le Statos Unite essaya a devenir le nove Imperium
Romanum, que conquerara le tote mundo.

-----------------------------
"cultura le plus penetrante".
-----------------------------

"Le cultura american" penetra mi cassa del tympano. A causa de isto nos
quasi sempre passa nostre vacationes in
Turchia - pro avoidar le cacophonia del "musica" de rock o
disco.

Altere cultura american penetrante ma pauco desirate es le
cultura de narcoticos.

Nos etiam abhorre le cultura del "junk food" (MacDonalds etc) que
destrue le sanitate del infantes finlandese. Pizza
Hut es forsan minus periculose.

E le terribile "cartoons" american (Walt Disney etc), ric
de violentia e ruito, que face nostre infantes hysteric ruinas.

--------------------------------
"Le sol super-potente del mundo"
--------------------------------

Quando ha un monopolio essite un bon cosa?

Le americanos ipse ha stricte leges anti-trustic.

Forsan le "balancia del terror" esserea melior que le superioritate
absolute del un singule stato.

--------------------------------------------------------
"Anglese non es solmente le lingua del pilotas de lineas
aeree international,"
--------------------------------------------------------

Hah, io ha legite que forsan milles del ges ha morite per
accidentes aeree a causa de pronunciation degenerate del
anglese.

=====================
INTERLINGUA E ANGLESE
=====================

Mi conviction es que on debe tener Interlingua munde de
influentias de americanismos quanto possibile. Vamos tener
Interlingua maximo latin e romance. Vamos tener Interlingua
RASSEREIN - de racia pur. Sona de racismo e nazismo? No,
a me son rasserein omne ges in le mundo qui parla Interlingua. Etiam
generalissimus Iossif Vissarionovitch Stalin esserea mi fratre (e
meliormente grandpatre amate)
si ille parlarea Interlingua - e viverea ...

Io opina que on debe avoidar in Interlingua le expressiones e parolas
anglese ex origine anglosaxon COMO PERMANENTE,
CANONISATE PAROLAS DE INTERLINGUA, le parolas ex origine
latin son, naturalmente, OKEI.

Perque le cultura american es tanto forte e "penetrante",
naturalmente on non pote rejectar omne parolas anglese ex
origine anglosaxon. Ma io pensa que in isto casos le
parolas deberea devenite convertite in accordo de regulationes del
interlingua.

Forsan O.K., okay, es tal parola. Ma illo debe esser in
Interlingua "okei", perque "okay" es pronunciate in  Interlingua "okai".

------------
GANGSTERISMO
------------

In alicun casos le penetration del cultura american es
invincibile. Como le parola "gangster". In finnese isto
parola es 'gangsteri', in svedese 'gangster'. In finnese
e svedese isto parola es pronunciate 'gangsteri / gangster',
non 'ga"ngsto"' como in anglese.

Ma 'gang' es 'ga"ng' in svedese, pronunciate 'jeng'. Le
'gang' es in finnese 'jengi', pronunciate 'yengi'. Ma
'jengi' es plus un gruppo del juvene-huliganos que lo de
criminales organisate. Pro isto ration un gang, si isto
es consistite de criminales professional, es appellate in
finnese 'gangsteriliiga'.

Un difficile parola es 'jazz'. Alicun finnos essaya
pronuncia lo 'dzha"as' (a"a = dupla a-umlaut) ma le major parte dice
'yatsi'. Porin jazz-festivaalit (Le festival de
jazz de Pori) es pronunciate 'Porin yats-festivaalit'.
Isto parola face un confusion total in nostre pais ...

Ma no problema con le parola 'razzia', per que illo es
pronunciate simplemente 'ratsia'. Io pensa que isto parola
que origina ex Africa del Nord (via Italia) non es multo
usate in America, ubique 'raid' es preferite.

==========================================
LE AMERICANOS, NO HARD FEELINGS, PER FAVOR
==========================================

Benque io ha de novo colpate le lingua anglese:

1. Io es convincite que le anglese ganiara le total
   hegemonia in le mundo in le proximo futuro.

2. Mi filia e su quasimarito son inseniantes del anglese
   (e francese).

3. Mi filia e filio ha essite in un schola american
   (Institut Montana, Zugerberg, Helvetia, 1984--5).

4. Le quasimarito de mi filia ha inseniate anglese in
   plure grande companias finlandese, etiam in le
   schola de caddettos e finnese in un universitato in
   le Statos Unite (Bloomington).

5. Le quasimarita meraviliose de mi filio anque parla
   anglese multo ben. Illa ha travaliate e studiate
   anglese in London 1996--7.

6. Io ha luctate in nostre compania pro idea que anglese
   deberea esser le sol lingua con le systemas de
   computatores. Io habeva un serie conflicto con le
   alte directores de nostre compania (le plus grande
   media company - jornales, radio, television, Internet -        in
Finlandia) super isto thema. Io perdeva perque le
   jornales in le campania resisteva mi idea furiosemente.

7. Io pensa que cata finlandese debe pensar anglese ben,
   le altere linguas estranie deberea lassate al
   philologistas.

MAIS:

Vamos startar un JIHAD (Guerra Sacre) pro le salvar de culturas europee
continental, ibero-american e canadian francese!

Le arma, nostre BOMBA forte, es INTERLINGUA.

Isto JIHAD non es contra America o anglese. Ma nostre
lingua belle, Interlingua, debe venir salvate del
infiltrationes per anglese. Mesmo le linguas national.

Nostre scopo: Interlingua como lingua official del Union
Europee. Il existera duo grande linguas: Interlingua e
anglese. Il es multo improbabile (ma non impossibile)
que un tertie lingua franca nascerea. Le europeanos,
ibero-americanos e quebechianos parlara Interlingua,
le nationes que hodie parla anglese, continua de facer
le mesme e le resto del mundo parlara Interlingua o
anglese. Probabilemente le chineses comencia parlar
Interlingua. Bon, bon! Forsan anque le paises in
Africa, Vietnam etc. ubique on parla hodie francese.

Si tosto que Interlingua es le lingua official del
Union Europee, le venditores exportal american
debe - per lege - parlar Interlingua.

INTERLINGUA VINCERA!

Allan