Steinar,
   Congratulationes super vostre conto de un viage per veliero in le
mar del nord.  Multo interessante.  Ben que io non es un marinero, io
me gaude de leger contos de viages marine.  Mi e mi sposa ha un amica
cuje filio, justo post reciper su diploma in le collegia, decidite
a comprar un veliero e navigar circa le terra.  Ille commenciava su
viage con duo amicos. Le un tosto se retornava a Irlanda e le altere
incontrava un femina, qui se jungeva illes como un membro del equipage.
Illes navigava initialmente le Carribean, e durante iste viage le
altere homine e le femina deveniva amantes.  Illes decideva a comprar
lor proprie veliero.  Inter tanto le filio de mi amica continueva in
su veliero. Eventualmente ille passava per le Canal de Panama e al
Mar Pacific, ubi ille nagivava al insulas de Galapagos. Ille remaneva illac
plure dies e incontrava plure altere marineros in velieros. Postea ille
navigava al Insula del Pascha, visitante le habitantes currente pro plure
dies.  Alora ille commenciava le grande parte de su viage, trans le Mar
Sud Pacific.  Ille visitava plure insulas polynesian, deveniente bon
amicos con alicun del habitantes.  (In le collegia ille ha studiate le
anthropologia, e ille esseva facile in facer le amicos).  Quando
essayante a transversar a Australia al Sud, ille incontrava un mal
tempesta con undas grosse, in que su parve veliero a vices stava quasi
verticalmente durante que illo passava super le unda. Isto es le tempore
quando ille esseva totalmente terrificate.  Mais ille superviveva le
tempesta, que ha facite le a perder su curso, dirigente le in le
vicinitate del  Insula de Pitcairn (del conto del Motin super le Bounty).
Ille alora visitava le habitantes plure dies, alora ille viagiava a in
Polynesia. A un insula ille deveniva amico de un femina de Nove Zealand
de un altere veliero, e illa se junge su equipage (alora le equipage esseva
duo personas).  Illes navigava a Tahiti, ubi illa iva per avion a
Nove Zealand. Postea ille anque voleva a Nove Zealand a visitar la. Alora
ille retornava a su veliero in Tahiti e commenciava de nove su viage a
Australia.  A Australia ille vendeva su veliero e faceva le autostop trans
Australia del nord al sud.  Alora ille voleva per avion a Mongolia, alora
a Moscova (pro visitas con le habitantes pro plure dies), alora a retornar
al Statos Unite per avion. Io sape su conto proque durante su viage ille
e su duo amicos/amantes (qui anque ha sequite le trans le Mar Pacific)
habeva scribite un diario de navigation, que nos recipeva de tempore in
tempore, quando illes poteva inviar lo al matre de le juvene homine pro
editionar.  Io semper legeva lor conto de commenciamento a fin quando
illo arrivava.

Hodie ille vende le assecurantia con su patre.  Nos audi non plus del
femina in Nove Zealand.

Mais le mar es un loco periculose, e io admira ille homines qui
coragiosemente viagiar se super illo.  Vos es ver Vikings.  Un bon
aventura.

Stan Mulaik