Felice die, amicos.

    Hodie, 20 de julio, se conmemora in Argentina e al minus in altere 35 paises le die international del amicitate. Le data del celebration corresponde al mesme in que le homine arrivaba a nostre belle Luna. Le facto simbolic de iste grande conquesta del humanitate, esseva le idea que inspiraba al doctor argentin Enrique Febbraro, a proponer iste data como le die del amicos. Ille pensava que le data del celebration debera esser grate pro un grande majoritate, e il es tunc quando ille trovava iste data como representative de un facto gaudiose pro totes. In aquelle die inoblidabile plus de 700 milliones de personas in tote le punctos del mundo reguardava con gaudio le movimentos del astronautas super le pulverulente superfice. Pro un momentos le differentias politic, cultural, economic, esseva oblidate, e totes se univa in un scopo commun.
    Nos interlinguistas, como supportatores de un ideal, anque habe nostre scopo, e iste data anque es adequate a nostre propositos: que le humanitate se trova unite trans un lingua commun, un facto que marcarea un ver unitate de tote le homines, un unitate multo plus concrete, que le que on poterea expresar in cualqunque discurso.

A revider amicos!

Horacio Martinez