"ANTIQUARIATO DE LINGUAS AUXILIAR"
VENDITA DE ANCIAN LIBROS E IMPRIMITOS INTERLINGUISTIC

Gunnar Ljusterdal, le ben-cognite redactor del magazin satiric Grönköpings
Veckoblad, se interessa desde su juventute a linguas auxiliar e ha
colligite toto que ille poteva trovar.   Ille nunc ha donate su
 collection a SSI, que lo vende al beneficio del Fundo pro Europa
Oriental.
Nostre spero es que collectionistas pagara generose-
mente pro adjutar iste FEO, que primarimente distribue manuales e
lectura in Interlingua a interessatos in paises que non pote pagar.

Un lista, ancora non complete (resta un carton non catalogisate)
se trova sur le sito de Jan Armann
<http://www.algonet.se/~armann>.
Arrivate sur iste sito, clicca le ligamine sur un del prime lineas
del sito:  <vendita de ancian libros e imprimitos interlinguistic>

1.  Invia vostre offerta al secretario de Societate Svedese pro
Interlingua:
Ingvar Stenström, Vegagatan 12, S-432 36 VARBERG, Svedia.
E-posta: <[log in to unmask]>.   Indica le objecto "Espo nro 3", "Ido
nro 4" etc.
2.  Al plus alte offerta, si non troppo parve, essera adjudicate le
objecto/s/.
(Si offertas es troppo insignificante le objecto essera donate al
Collection de Interlinguistica de Stockholm. Memora que le
scopo es colliger moneta!)
3.  Vos - si vos es le comprator - essera informate.
4.   Post isto vos transfere le pagamento in NLG directemente a Piet Cleij,
Kometenlaan 38,   BILTHOVEN, Nederland, pro FEO, giroconto 576 962
o per billetes de banca in letteras, florinos de libros etc.
5.  Cleij informa Stenström per posta electronic.
6. Le objectos essera inviate a vos ab Svedia, le plus tarde in martio
2000.

Attention que le porto postal es alte. Porto minimal de 20 g pro Europa
7,00 SEK, pro le altere paises 8,00 SEK.  1 kg 130 SEK.  1,00 SEK = 0,25
NLG.
Si vos paga al conto postal, adde 10 NLG, e per cheque de banca 15 NLG!

Le lista contine libros, brochures o magazines in Volapûk (3 objectos,
un del "obj." es magazines), Esperanto (25 objectos), Latino sine flexione
(1 obj.), Ido (25), Occ-/I-e (37 obj. + collectiones /a vices incomplete/
de multe annos de Cosmoglotta), Internacional de Campos Lima (1),
Unial (x), Ling (9), L'Universal (2), Picto (2),
Mondi Lingwo/Lingwa/Lingua (3)
Neolatino de Schild (2. Raritates exceptional), Auxil (2), Auxilia de
Morin (), Interling de Wood (2), Unilingua (1), Interlingua (8).

Un lista plus complete obtenibile ab Stenström como documento
annexate.


Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>
<http://www.interlingua.com> <http://www.algonet.se/~armann/>
ICQ UIN nr. 26993308