Amicos,
Io pertine un gruppo de interlinguistas qui diligentemente labora con le
propagation de interlingua cata die. Per exemplo io labora con dictionarios
e pro organisar incontros Nordic e pro contribuer a conferentias
international pro interlingua. Quasi tote mi tempore es dedicate a tal
labor. (Io es un pensionario.) Io non es unic. Plure personas e
particularmente le veteranos de nostre movimento face le mesme labor.
Ma nos "traditionalistas" es assatis silente. Nos non ha le tempore a
garrular e balbutiar in le foros ubi opera alcun hobbyistas de interlingua e
propagatores de linguas construite e differente. Nos reguarda experimentos
de dialectos e "nove linguas" como plus o minus irrelevante. Nos desira
esser utile pro le propagation e usage de NOSTRE interlingua como illo se ha
disveloppate post A. Gode e alteres e lor previsiones.
Le majoritate de nos traditionalistas reguarda europanto, linguafrancanove e
plure altere tal experimentos como justo experimentos que pote esser un
passatempore pro alcunos. Non plus. Ma tal lanceamentos es nocive e causa
distraction in le publico general e anque confusion inter nostre novicios.
Io non es un "secterista orthodoxe immobile" pro interlingua de Gode ma io
sape que tote linguas se disveloppa tempore post tempore. Ma nostre
interlingua ha su regulas e pote se disveloppar in un maniera harmonic a
causa de su principios fundamental.
Mi aviso pro le participantes in INTERLNG e alcun altere foros es a ignorar
tal experimentos. Le plus nos discute tales le plus nos perde tempore e
fortia e solmente contribue a lor expansion.
Janne
P.S. Io va viagiar durante alcun dies nunc e non pote responder e-posta.
-----Ursprungligt meddelande-----
Från: INTERLNG: Discussiones in Interlingua
[mailto:[log in to unmask]]För Jay Bowks
Skickat: den 3 oktober 2002 05:42
Till: [log in to unmask]
Ämne: Re: Un nove lingua international
From: "Pawel Wimmer" <[log in to unmask]>
> Un nove lingua international - Lingua Franca Nova
> http://www.geocities.com/europidgin/
Le adresse del discussiones
pro iste lingua de George Boereee
es a: http://groups.yahoo.com/group/linguafrancanova
Amicalmente,
Jay B.
