Car lectores; car ascoltatores!

In le 19ne conferentia de interlingua in Bulgaria in le estate del anno 2011 io faceva non solmente mini-blogs audio e non solmente mini-interviews, ma tamben interviews plus longe; i.e.: "normal". In le 44te podcast de Radio Interlingua se ascolta le prime parte del interview con Milen Shopov, un del organisatores bulgare del 19ne conferentia international de interlingua in Chepelare, Bulgaria; includente tamben un registration audio retrospective, facite tamben con ille in le 17me conferentia international de interlingua in Asa, Svedia, 2005; quando ille legeva in un session alicun parte de su discurso super le guarda national bulgare - presentate in su plen longor in Gdańsk, Polonia, al 15te conferentia mundial de interlingua, in 2001.

Ma ante toto vos pote esser informate in le rubrica del "Actualitates", que le data final pro inscriber se al 13tie incontro nordic de interlingua in Tjörn, Svedia es le 15 de maio! Paga tu participation ante le 31 de maio!

Iste vice vos pote gauder le musica breve de Csaba Kocsis, nominate "Renaissance Suite" ("prime parte"), que vole imitar le musica del Renascentia.

Pro ascoltar le podcast clicca a iste ligamine: http://www.interlingua.com/node/881 .

Pro ascoltar tamben le previe emissiones que tu consulta le URL http://www.interlingua.com/radio !

Le redactor de Radio Interlingua desira a vos un bon passatempore anque ora, con Radio Interlingua!


--
Pro leger le archivos e pro modificar o cancellar le subscription:
http://listserv.icors.org/archives/interlng.html