Luca Ghitti wrote:

> > Car Luca e omnes,
> >
> > Io ha un poco difficultate a comprender le problemas del italianos quando
> io
> > lege tu puncto 4 infra.
> > Io ha sempre credite que vos devenirea felice a deler plure zeros
> superflue
> > in vostre valuta per le introduction del euro. Naturalmente le
> accostumation
> > de vetule gente e alcun alteres es comprensibile.
>
> Le passage a un nove valuta non es si tanto facile quanto on poterea creder.
> On necessita un poco de tempore (alicun annos) pro accostumar se al nove
> calculo con le centesimos. Le avantage de non haber habite centesimos con le
> vetule lira es que on non debeva fractionar le valuta. Per ex. £ 2.500 + £
> 4.200 + £ 3.300 = £ 10.000. (circa € 5) Simple, nonne? :-)
>
> >
> > In 1962 io ha laborate durante un anno pro le Nationes Unite in Yugoslavia
> > (Sarajevo) e le Dinar in iste dies habeva un valor multo basse del corona
> > svedese. Durante un septimana io ha observate le precios de cosas que io
> > sovente besoniava. Pois io ha facite alcun simple calculationes super
> > conversiones. E presto! Io non plus ha pensate a coronas svedese.
> >
>
> Le problema es que le precios, quasi tote le precios, es indicate e in euros
> e in liras. Heri le governamento italian ha declarate, que etiam in le 2003,
> le precios debe haber iste duple indication pro garantia al consumitores .
> In iste maniera, necuno es obligate accostumar se al nove valuta, omnes face
> le calculo mental ancora con le vetule liras.
> Tu, in le ex Yugoslavia habeva solmente le precios in dinares, ma si tu
> haberea habite etiam le precios in coronas svedese....
> Solmente un garantia pro le consumitores o pigressa mental pro le italianos?
> Mi parve nepote ha 3 annos, infra 3-5 annos ille non habera ulle problema in
> le uso e in le calculo del euro, ille sera le prime del nove
> "eurogeneration"!

Quando io era in Yugoslavia in 1988 il habeva precios 1. precios official, 2.
precios vetule que le gente ancora usava 3. nove moneta ubi on habeva
cancellate duo (si io ben memora) zeros. Parlar de chaos!

Kjell R