Car amicos,

Mi amico le senior George Petrineanu me ha inviate alicun paginas del Dictionario Encyclopedico de Toma Macovei.

Ecce un entrata del Dictionario de Macovei:



dense adj (lat. densus) Compacte, spisse: population --; bruma/nebula --. Fig. Concise: stilo --. 

De hic: densitate; condensar &



que nos pote comparar con le entrata correspondente in le IED:



dense adj dense (= close, thick)

Hence: densitate; condensar & 

 

Como on pote vider in le dictionario de Macovei appare multe partes commun con le IED e altere partes (exemplos e phrases) que jam appare in le Interlexico (vide wikIA).

Io vole dicer con isto que il serea multo facile la computerisation del dictionario de Macovei e su publication, per exemplo, in wikIA.

Le digitalisation de iste obra deberea esser facite per phases.

PRIME PHASE:

Digitalisation del entratas de Macovei presentes in le IED. Il non serea necessari scriber le phrases/exemplo ni le derivativos post "De hic:" Dunque il sufficerea con isto:



dense adj (lat. densus) Compacte, spisse. Fig. Concise.

   en: dense (= close, thick)

   De hic: densitate; condensar & 



Iste prime phase includerea le IED in anglese integre.

SECUNDE PHASE:

On adderea al IED+MACOVEI anterior tote le entratas restante del dictionario de Macovei (sin includer le entratas encyclopedic), e finalmente on adderea a iste dictionario tote le exemplos e phrases del Interlexico.

TERTIE PHASE

On adderea tote le entratas encyclopedic de Macovei que serea revidite comparante los con le "Dictionario Encyclopedico de la Lingua Romanica (italiano)" de nostre sito:

http://dictionario.wikispaces.com/space/filelist

que hodie io veni de cargar in su totalitate. Illo es de dominio public.

Iste tertie parte non serea totalmente necessari.

Como io ha explicate in le duo prime phases nos attingerea le DICTIONARIO MACOVEI DE INTERLINGUA (+ IED e + INTERLEXICO).

Qualcunque commentario sera benvenite. 

Amicalmente 

Josu Lavin

--
Archivos e disabonar: http://listserv.icors.org/archives/INTERLNG.html