Car Mario,
Il esseva un excellentissime placer poter parlar con te in Interlingua
pro medio del telephono-web. Il sonava multo clar, ma con le phrases
un poco interrumpite, como un "walkie-talkie" io memora que io parlava
con un amico que nunc vive in Arizona e ille usava iste methodo pro
telephonar me iste estate. Gratias, multe gratias pro telephonar me.

Io spera que tu me comprendeva, il es un grande conincidentia que tu
me telephonava. Io veniva a casa pro medie hora, duo de mi classes
ha vadite al Aquarium in Boston, assi que io esseva al casa hodie al
mesme tempore que tu telephonava. Forsan Angelo te influentiava in
quando a facer le telephonata. Nunc io debe retornar al schola pro
un meeting con le facultate del schola, io detesta le meetings del
facultate, il sempre son poco interessante e plen de plangiamentos
e io sempre pensa del altere cosas que io poterea esser a facer
essente tanto occuppate con cosas plus importante que plangiamentos
de poc importantia. Ma odie io ha grande novas pro dicer les al
meeting e informar les que mi amico interlinguano Mario me telephonava
pro medio del Interrete desde Treviso in Italia. Qual excellente cosa!

Tu accento con le lingua belle international es excellentissime, il
sona multo belle! Tu usa le "c" ante "e" e "i" como in Italiano e
io trova isto multo belle. Io tentava parlar assi jam alcun annos
retro in practicar a leger interlingua in alte voce. Ma decideva
usar le pronunciation que alteres usa como Thomas e Paolo que io
audiva gratias al Radio Interlingua e le Interlingua.com.

Il es un benediction haber iste experientia, dice lo a Angelo, :-)))

Ma in serio, gratias, e re-gratias pro telephonar me, mi amico!

Como sempre a tu servicio,
Jay B.