Ben venite, Roberto, a Interlng.  Vostre prime
effortio a usar interlingua es multo comprehensibile.
Si vos scribe alcun interlingua cata die, vos tosto
va devenir multo habile in su uso.

Io vole introducer me a vos.  Io es un professor
del psychologia e statistica a Georgia Tech in
Atlanta.  Io habita un casa in Marietta, Georgia
que es circa 37 km nordwest del centro de Atlanta.
Io intende a pensionar me al fin de iste mense, ben
que io va inseniar duo cursos in le anno sequente,
proque mi schola non ancora ha un inseniante a
reimplaciar me.  Le cursos es le statistica
multivariate e le modellos de equationes structural.
Iste estate io insenia un curso in le theorias de
personalitate e un curso super le psychometrica.

Ha vos ora un copia del dictionario de anglese-
interlingua (EID) que es disponibile al sito de
interlingua in le tela transterrestre,
http://www.interlingua.com?  Isto esserea multo
de adjuta in apprender interlingua.  On pote
discargar lo a vostre proprie computator, alora
vos pote leger lo con un programma de processamento
de texto, e cercar pro parolas con su proba de
orthographia.

Amicalmente,
Stanley Mulaik