Heri io habeva contactate le UMI pro demandar si il ha brochuras etc pro
propagandar IA. Senior Piet Cleij era assi gentile de inviar me alcun
material, io recipera lo deman.

Mesmo io anque ha fabricate un tal brochura in Nederlandese e Interlingua,
e io ha ideate pro isto un motto pro le propaganda de IA:

"Interlingua - un lingua pro tote le mundo"

Illo ha un signification duple:
a] lingua pro cata uno / a language for everyone
b] un sol lingua pro le mundo integre / one language for all the world

Io ha inviate mi proprie brochura a senior Cleij pro lassar recenser lo.

Ecce infra le texto Interlingual:
============================ D====
Que es Interlingua?

Interlingua es composite del parolas latin inter e lingua. Illo es un
lingua intendite como medio de communication inter personas con linguas
materne differente, tanto in le Union Europee como in le resto del mundo.

Naturelmente multe gente parla anglese in le tempore presente, mais isto
non es un lingua neutral proque illo favora fortemente gente e paises qui
parla lo como lingua materna.
Isto vale pro empleos e traffico international, publicationes scientific,
pro filmes, musica e litteratura: le anglese (american) es superpotente e
su parlatores materne ha multo plus occasiones que personas qui debe
apprender lo como secunde lingua.
Poco gente succede de apprender le anglese assi ben que illes pote se
exprimer in illo perfectemente e totalmente confidente.
Pro isto multe gente non son assi contente con le domination del grande
paises anglophono.

Int
erlingua pote solver iste problema:
illo non es ligate a un certe pais, systema politic o cultura. De plus iste
lingua auxiliar usa supertoto parolas que le linguas principal ha commun.
Quando un parola existe in tres del linguas anglese, francese, italiano o
espaniol/portugese, illo deveni un parola interlingual. Pro isto on sera
comprendite con Interlingua in tote Sud-Europa e in America Latin.

De plus on pote dicer que Interlingua ha derectes multo ancian, perque illo
es de facto le successor directe del latino.
Solmente su grammatica es multo simple: Il non ha differentia inter parolas
masculin e feminin (francese: le/la/les, un/une, beau(x), belle(s), non
conjugationes de verbas difficile ni irregularitates.
Isto face Interlingua assi apte como   un lingua pro tote le mundo

Plus info?>www.interlingua-nl.com
           C Ingmar Roerdinkholder, junio 2004