(Me placerea multo si un lusophono providerea un
version portugese de iste historia del Brasil, sia
como io lo presenta hic, sia corregite, sia corregite
e augmentate.)
---
Le administrationes presidential de Castelo Branco
e de Costa e Silva:
Le mareschal Humberto de Alencar Castelo Branco
dirigeva le prime governamento post le intervention
militar de 1964. Armate con le nove constitution,
ille privava milles de personas ab su derectos
politic,
les incarcerava, e les obligava a exiliar se.
Numerose
parlamentarios perdeva lor mandatos, e il anque
habeva purgas in le fortias armate.
In 1965 ille dissolveva omne le partitos politic
del pais e creava duo: le Aliança Renovadora Nacional
(Arena, Alliantia Renovator National), e le Movimento
Democratico Brasileiro (MDB, Movimento Democratic
Brasilian), que reuniva le opposition, decimate per le
detentiones e le exilio. Le constitution promulgate
in 1967 concedeva poteres quasi illimitate al
executivo del governamento central.
Castelo Branco inaugurava un programma de
planification
economic sin precedentes, destinate a contener le
inflation e a reactivar le economia. Su mensuras
de austeritate affectava specialmente le travaliatores
urban, cuje capacitate adquisitive se diminueva,
crescente multo minus que le costo del vita. Ille
offereva incentivos fiscal orientate a augmentar
le productivitate industrial e agricole.
Pro stimular le disveloppamento economic, le
governamento inaugurava un programma de investimentos
substantial in le energia electric e le transporte.
Ben que le principal sectores economic prosperava,
le travaliatores remaneva completemente neglegite.
In martio, 1967, le congresso eligeva Arturo da
Costa e Silva al presidentia brasilian. Ille habeva
prometite humanisar le revolution. Generalmente
tamen ille continuava le politicas de su predecessor.
A causa del deterioration general inter multe sectores
del population, ille promulgava un emendamento al
constitution que suspendeva le activitates del
corpores
legislative, concentrava lor poteres in le presidentia
mesme, e establiva le bases legal pro un nove purga
del opposition politic.
In augusto, 1969, Costa e Silva abandonava le
presidentia a causa del deterioration de su sanitate
e esseva reimplaciate per Emílio Garrastazu Medici,
qui produceva durante su administration un "miraculo
economic brasilian".
---
The Presidential Administrations of Castelo Branco
e Costa e Silva:
Marshal Humberto de Alencar Castelo Branco headed
the first government after the military coup of
1964. Armed with the new constitution, he deprived
thousands of people of their political rights, he
imprisoned them, and he forced them into exile. Many
members of parliament lost their offices, and there
were also purges in the armed forces.
In 1965 he dissolved all the political parties of
the country and created two: The Aliança Renovadora
Nacional (ARENA, National Renewal Alliance), and the
Movimento Democratico Brasileiro (MDB, Brazilian
Democratic Movement), which included all opposition
elements, which had been decimated by detentions and
exile. The constitution enacted in 1967 gave almost
unlimited powers to the executive branch of the
central government.
Castelo Branco inaugurated an unprecedented economic
planning program in an effort to contain inflation
and reactivate the economy. His austerity measures
affected especially the urban workers, whose
purchasing
power had been heavily outstripped by the cost of
living. He offered fiscal incentives oriented toward
increasing agricultural and industrial production.
To stimulate economic development, the government
inaugurated a substantial investment program in
electricity and transport. Though the principal
economic sectors prospered, workers remained
completely
neglected.
In March, 1967, Brazil's congress elected Arturo
da Costa e Silva to the presidency. He had promised
to humanize the revolution. Generally, however,
he continued the policies of his predecessor.
Because of the general deterioration in many sectors
of the population, he rammed through an amendment
to the constitution that suspended the activities
of Brazil's legislative bodies, concentrated their
powers in the presidency itself, and established
the legal bases for a new purge of his political
oppostion.
In August, 1969, Costa e Silva abandoned the
presidency
because of deteriorating health and was replaced
by Emílio Garrastazu Medici, who produced during his
administration a "Brazilian economic miracle."
..............................
Como promover usar le Rete e su ressources
bibliographic public pro incoragiar le uso expandite
de interlingua:
Le dialogos e exercitios de mi curso de conversation
<http://conversationininterlingua.blogspot.com> es un
ressource bibliographic public como "Interlingua
in interlingua" <http://www.geocities.com/hkyson>
e le textos in interlingua de Wikipedia.
Imitante le philosophia de Wikipedia sur le uso
de ressources bibliographic public, vos pote rediger
iste textos como vos vole, forsan combinante los
con altere simile ressources, pro publication
ubicunque in le Rete.
Un maniera excellente de apprender interlingua
vermente ben es compilar vostre proprie anthologia ex
su ressources public, scriber vostre proprie
presentation del grammatica de interlingua, e publicar
vostre effortios in le Rete pro le uso de alteres.
---
Si vos es un studente del anglese, io spera que
le textos in interlingua e anglese que io presenta
in iste sito vos adjuvara in vostre studios. Vos
anque pote adjuvar studentes de vostre lingua native
si vos presenta simile textos bilingue in iste sito.
Vos anque ha le possibilitate de imprimer textos in un
tertie lingua, preparar un version de illos in
interlingua, e finalmente preparar un version de illos
in vostre lingua native.
Tal presentationes demonstra fortemente le avantages
de interlingua como lingua ponte e presentara
ressources multo utile pro studentes del prime lingua
de tal textos trilingue e de vostre lingua native.
---
Ecce duo sitos importante pro studentes de linguas e
del linguistica:
CENTER FOR APPLIED LINGUISTICS, un organisation cuje
preoccupation principal es trovar lo que es utile pro
le instruction de linguas nove in le linguistica
theoretic e incoragiar le uso de iste information pro
formar manieras plus efficace de inseniar linguas.
Le sede electronic de iste organisation es
<http://www.cal.org>.
LINGUISTIC SOCIETY OF AMERICA, le organisation
professional pro linguistas academic american. Lor
sede electronic es <http://www.lsadc.org>.
__________________________________
Do you Yahoo!?
Yahoo! SiteBuilder - Free web site building tool. Try it!
http://webhosting.yahoo.com/ps/sb/
|
