Il es justo in tal casos como le articulo in
Atlanta Journal que il esserea bon in nostre lista
haber franceses interessate in cosas juridic etc.

Como ego comprende le cosa de mi loco de
observation in Svedia in francia on face un forte
distinction inter le stato e le ecclesia. A mi
aviso le scholas non ha le derecto inseniar
religion, isto on pote facer in altere locos. On
ha habite un vivide discussion re le vela del
feminas islamic in le schola.

In Svedia il ha essite un forte debatto contra le
circumcision de infantes mascule (e naturalmente
plus forte contra le circumcision del feminas - un
practica que se face in certe locos de Africa).

Nunc quando le islam es le plus grande immigrate
religion in Svedia tal questiones ha devenite
multo interessante al medios, e le islamicos non
ha potite menar le cosa con le mesme habilitate
como le judeos.

In Svedia es etiam interdite le macellar kosher,
que significa que on face effunder le sanguine de
un animal ante que on lo finalmente pone a morte.
(Isto era interdicite in 1937 ego suppone*).

On pote facer lo, macellation kosher o halal si on
primo da un anestesia al animal. Postea un imam o
un rabbino pote leger un benediction etc.

Il es clar que con plus varie nove religiones un
pais como Svedia debe resolver como ager in un
massa de cosas que antea non era problemas, coando
nos era un multo homogene population (non
considerante le finnofonos e le samis naturalmente
;-)

Cellus
* Ego ha in mi infantia audite qual terribile e
barbaric era le macellation kosher a vider pro le
personas rural. In qual grado illes era inspirate
per le descriptiones negative in le medios es
difficile a me judicar nunc.