}Ha un bon viage, Stan,
}e dice nos si tu ha alcun
}experientias interessante
}que pote dicer nos al lista.
}
[deletion]

}Amicalmente,
}Jay B.

Ben, Jay, 11 de nos ha facite un reunion
in Boston.  Il habeva solmente tres homines
in le gruppo, le resto feminas. Io e mi
sposa volava jovedi tarde in le post meredie,
proque io debeva inseniar un classe
de 1300 a 1430 horas.  Le resto habeva jam
volate in le matino.  Io e mi sposa arrivava
a Boston a circa 2000 horas.

Le scopo de iste viage a Boston esseva
a visitar le museos de arte e archeologia
in iste citate.  Mi sposa e io jungeva un
gruppo de altere feminas docentes (e lor
sposos) del Museo C. Micahel Carlos a
Universitate Emory in Atlanta.  Isto esseva
le mesme gruppo con que io e mi sposa habeva
viagiate a Chicago le anno previe.

Quasi tote le gruppo esseva allogiate a
un lecto e jentaculo in un de aquelle casas
que on trova in Nove York e Boston, appellate
"brownstones".  Illos es constructe de
un subcellario, un cellario al nivello del
strata e 4 altere nivellos, e es attingite per
scalas del strata al "prime" nivello. Cata
casa es quasi identic al alteres secundo le
strata, e il ha necun spatio inter los.

Le proprietario dava me e mi sposa un ben
venite, nos monstrava nostre camera al 3e
nivello, e monstrava un antique camera de banio
con un antique cupa de bano con ducha, que nos
plus tarde decideva esseva un periculo in
que on poteva cader.

Le proprietario diceva que ille debeva
viagiar a Nove York usque a dominica, e
voleva que nos le paga le plen amonta
pro le tres noctes.

Le precio per nocte esseva alquanto grande,
$150, specialmente quando on considera que
le casa esseva generalmente in su condition
original del 19e seculo, con minor melioratioes
per le proprietario.  Solmente le facto que illo
esseva in un bon vicinitate, presso a plure
bon restaurantes e le metro e in un area ubi
le precio de un camera a un bon hotel esseva
$175 - $250 per nocte, justificava le precio.

Tosto le proprietario partiva del casa, lassante
nos con instructiones super le maniera in que
on debe serrar le duo portas al fronte quando
nos parti del casa.

Nos cercava le casa con plure de nostre amicos
qui habeva jam arrivate.  Le muros habeva
multe picturas per un obscur artista del
schola primitive per le nomine de "Thomas".
In nostre camera de banio, super le muro esseva
un pictura de grandessa original per Monet.
A cata nivello il habeva un parve statua del
Buddha coperite con catenas de perlas de vitro
de Marde Gras.  E al scala del 3ie al 4te nivello
ubi habitava le proprietario, nos notava picturas
homeoerotic e de Mao Tse Tung. In nostre proprie
camera nos discoperiva super un tabulo le
"Pink Pages", un directorio de activitates e
divertimento e commercios serviente le communitate
de homosexuales, lesbianos, e bisexuales de Boston....
Al porta al entrata esseva un pictura in le
vitro del porta de Regina Elizabeth, le significantia
de que me escappa.  Obviemente le proprietario
es un homine multe liberal in su gusto qui habeva
pauc inhibitiones social.

Nos visitava le Museo de Belle Artes, que es
un major museo del Statos Unite.  Illo ha
un grande collection de cosas egyptian, grec,
e roman (nostre interesse) e multe picturas
de artistas famose como Reubens, Monet, Pisarro,
etc..  Nos esseva guidate a plure punctos per
vetere amicas del docentes del Museo C.
Michael Carlos qui ora laborava al museo in
Boston.  Un guida esseva cargate con le
monstra del pictores baroc, e illa monstrava
nos multe belle picturas de Reubens. Un altere
reconstrue collares e vestimentos de perlas de
vitro, e illa monstrava su technica a duo del
docentes qui habeva facite tal labor al
museo in Atlanta.

Nos equalmente visitava le Museo Isabella Stewart
Gardner, constructe per un ric vidua del 19e
seculo, qui lassava instructiones que nihil in
illo debe esser cambiate o movite, alteremente
toto debe esser vendite e le moneta date al
Universitate Harvard.  E altere que a manenter
le museo como illo semper esseva, necun picturas
habeva essite movite de lor locos original.
Duo picturas famose e car habeva essite furate
in le 1980's, e le locos super le muro ubi
illos esseva suspendite esseva ancora vacue.

Al secunde die nos promenadava al metro circa
duo kilometros del casa e per illo viagiava
a Universitate Harvard, ubi nos passava un plen
die visitante plure museos de arte e archeologia.
Nos visitava tanto ben le Museo Peabody del
Natural Historia, que habeva un exhibition de
cosas de America Central e un meraviliose
exhibition de floras in vitro, create per duo
sufflatores de vitro german inter 1880 - 1930.
Le floras de vitro es meraviliose, multo "real",
exacte in le parvissime detalios.  Illos esseva
create pro adjutar le botanistas inseniar le
identification de plantas e floras, proque le
floras de vitro esseva practicamente indistinguibile
de floras real.  E isto es le sol collection, on
dice, in le mundo de tal cosas.  Il equalmente
habeva un grande exhibition de minerales e gemmas.

Al Museo Sackler a Harvard nos discoperiva un
meraviliose collection de crateres grec in le
technica de vitrar con le colores de rubie e
nigre.

A attinger le museos nos debeva promenadar per
Harvard Yard (le campo de Harvard), e nos
videva multe studentes sedente se sub le
arbos in gruppos.  Il pareva que isto esseva
le septimana de orientation al campo e le
comenciamento del nove anno academic.  Le
campo me rememora del campo al Universitate
de Nord Carolina ubi io esseva un juvene
professor pro 4 annos.

Le major evenimento excitante esseva le nocte
del secunde die.  Io, mi sposa, e un femina
docente habeva promenadava de nostre dinner
a un restaurante circa 2 km del casa, e quando
nos approchava le angulo de nostre strata con
un altere major strata, nos discoperiva que le
policia habeva bloccate le via del strata major
verso le proxime strata parallel con le nostre. Nos
videva lumines rubie fulgurante la e decideva a
investigar los.  Quando nos arrivava al sceno
nos videva plure camiones de pumperos, e un
camion de remulco.  Le camion de remulco esseva
portante un automobile comburite totalmente.
Un altere camion de remulco arrivava a portar
un secunde automobile, similarmente comburite.

Nos demandava de altere spectatores que ha
evenite.  "Un transformator electric
subterranee habeva explodite sub un automobile,
su gasolina habeva explodite, e illo in torno
habeva causate le gasolina in un altere automobile
a exploder.  Le flammas vadeva al alto del
casa presso illos."  Le restaurante al angulo
del stratas ha essite evacuate, e nos videva
pumperos currente le scalas in alto a cercar le
casa pro determinar si le foco ha accendite le
casa.  Un breve tempore post isto illes retornava
al strato.  Nulle foco in le casa.  Nos retornava
a nostre casa e esseva felice a discoperir que
le poter electric esseva ancora disponibile in
le casa.  Mais 20 minutas plus tarde nos
faceva un appella per telephono a nostre filia
affin, e durante que nos parlava con illa subitemente
le lumines se extingueva.  Nos esseva in le cellario
in le cocina.  Il habeva alcun lumine veniente de
foras per le fenestra, e quando nostre oculos esseva
accommodate al manco de lumine, nos essayava a trovar
nostre via per le casa. Nos apprendeva plus tarde
que un del feminas esseva in le ducha quando le
lumines se habeva extinguite e il esseva difficile
pro illa a trovar su vestimentos.  Un juvene homine asian
veniva in a iste tempore dicente que ille laborava pro le
proprietario e que ille e su sposa adjutarea tosto.
Illa jam esseva in alto in le nivello del proprietario.
E il esseva ver, proque illes veniva con parve
candelas in vitros pro cata un de nostre cameras.
E illes poneva un candela in vitro a cata nivello
proxime al scala.  Alora il habeva nihil a facer.
Evidentemente pro reparar le transformator nostre
linea electric debeva esser disconnecte.  Io e mi
sposa vadeva a lecto, con le parve candela dante un
lumine parve.  Io finalmente esseva eveliate quando
a 0300 horas le ventilator in le tecto commenciava
a sufflar super nos.  Il habeva essite 5 horas sin
electricitate.  Io me eveliava e extingueva le
candelas in le sala a cata nivello del scala.

Le resto de nostre visito vadeva ben.  Boston es
un multo interessante e belle citate.  Le vicinitate
in que nos habitava brevemente esseva multo secur
e multe copulos promenadava in le nocte, a vices con
lor infantes. Le vicinitate esseva equalmente integrate
racialmente, e pacific.