Salutationes!
STAN:
> Io opina que in traducer ..institutiones
> ..on debe usar parolas que corresponde > proximemente al original.
> .. In le Statos Unite il ha le Administration
> Clinton, non le governamento Clinton.
Io es totalmente de accordo. Que vive longe le constitution american!
> ..il ha tres ramos, le administrative, le legislative e le judicio.
Iste principios es recognoscite in le majoritate del democratias;
- Le administrative poter es le governamento e su ministerios,
- le legislative branca es le parlamento e
- le poter judicial es le systema de exactation per fortia del derecto.
Le principios pro governar democratias es similar in omne paises
occidental. Quando parlar de representantes pro le voluntate popular in
le SUA on lo appella senatores o membros del congresso, le
administrative fortia es le administration Clinton e le Corte Supreme
guarda e survelia le justitia.
Sed quando parlar de iste institutiones _in principio_ on pote describer
iste mesme fortias in terminos general como p e:
"Le secretario general del Nationes Unite heri inviava un message al
governamentos del SUA, Russia e Angleterra, invitante lor ministros e
representantes del parlamentos honorar con lor presentia..etc".
In iste contexto io voleva clarar como definiar "administration",
"government" "ministro" in terminos general de governamento - ministerio
- consilio - departementos.
Un altere problema es que il ha nulle prime ministro in le SUA e le
Russia (e un numero de altere nationes). Le majoritate del statos
ha un presidente (o rege/regina) como "capite de stato" qui es un
presidente "pro omnes, non solmente le majoritate" (ben que le
presidente debe ser eligite per un majoritate un o altere vice..). In le
SUA e Russia le capite del stato es anque le capite del governamento, lo
que non es le caso in le majoritate del statos in EU ..ooops.. UE (!).
Le populos Svedese, Norvegian, Danese, Hollandes, Anglese, Belge e
Espaniol ha detenite regnos passate de moda malgrado a vices politicas
socialista gratias a lor function "neutral" in medio de sublevamentos,
revolutiones e guerras.
Plus recentemente ha fluctuate un copula de altere rationes: Il es plus
incostose e porta un elemento de stabilitate. Le querelas accompiante
electiones presidental face fissuras in le nation e le supporto del
capite statal "medie-cordial". Io es convincite que le attaccos a
presidente Clinton ha origines politic. Le mortalitate del presidentes
es anque periculosemente alte..
Nos ha habite un ininterrupte regno pro plus que 1000 annos in Svedia
e probabilemente plus longe in Danmark. Anglaterra ha habite un periodo
de 5 annos con un presidente e republica(!), nonne? Qui sape?
Un interessante facto es que durante un curte periodo le provincia
Jašmtland, originalmente Norvegian, declarava su independentia de
Svedia e proclamava se un republica, "Republiken Jšamtland"!
Polomoligicamente,
Sigmund
|
