Salute!
Un viabile methodo pote esser de vider como le linguas fonte de interlingua
tracta ALTERE gobernamentos que illo del proprie pais. Vero cata pais ha su
historic nomines sed usa formas plus international pro altere paises.

In Svedia le gobernamento es le concilio statal o in certe casos Le
Majestate Regal, sed altere linguas e le lingua officiose usa
_gubernamento_ pro illo. On pote describer le gobernamento como le
directorato executive del pais e illo ha incontros, concilios in le quales
le varie concilieros participa. Cata "conciliero" es etiam chef de un
departamento. In Svedia como in le altere paises nordic nos parla de
ministro de stato e non prime ministro. Sed in paises extranordic il ha
ministros, membros del gobernamento le quales cata uno es chefe de un
ministerio.

Nota que in anglese vos parla del _State Departement_ ma vos usa
_ministerio de affaires externe_  pro altere paises, dunque como _foreign
ministry_.

Le problema es que in francese _ministère_ sembla significar e le
governamento sub un certe prime ministro, ministerio (le chef del qual es
un _ministro_) e in anglese, germano, espaniol, italiano le cosas es
identic.

 Io pensava del possibilitate usar le parola _ministria_ pro le
organisation del qual le ministro es le chef. Modello:
abbato - abbatia
director - directorato
khan - khanato
khalif - khalifato
rector - rectorato

ma isto non functiona.

Nos pote ergo usar le parolas in iste maniera: Mesmo si le ministerio
Persson sembla haber ventos favorabile con bon percentages in le sondages
de opinion pro su partito socialdemocrate, bon financias etc. il tamen es
sentimentos mixte in le circulos governamental. In le ministerio de
financias on es multo optimistic, le ministerio de relationes exterior non
ha troppo grande problemas salvo le delicate problema de salvar le juvene
par svedese que es ostages in Dagestan juncte con alcun altere
collaboratores estranier. On se quere, qual es le opinion in le electorato
in re le Euro. Iste cosa non essera solvite ni sur nivello ministerial o
parlamentari sed forsan sur le nivello international.

Le parlamento prendeva un resolution iste septimana secundo le qual le chef
del banca national habera plus grande derectos que antea, e il es multo
probabile que isto es un preparation al introduction del Euro. Le medios ha
date iste information sin commentarios.

Tamen in le situation diurnal le grande question que le observatores face
es: "Esque nos habera un nove ministerio Bildt post le electiones in
septembre, o esque le populo dara un nove mandato pro le partito de Göran
Person formar un nove governamento?

Notas del salas transito de Arlanda e Kastrup de vostre reportero volante.


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden