Allan,
Io pensa que il es importante pro interlinguistas
europee a pensar multo super lo que interlingua
realmente es. Illo non debe esser le lingua de un
parve communitate concentrate in le nord de Europa.
Illo debe esser un exacte rendition de lo que es
commun in le linguas major de Europa, e isto
implica que tu te concerne con le questiones
etymologic e prototypic. Io vole dicer que il esseva
le opinion de Dr. Gode que interlingua debe esser
intellectualmente e academicamente respectabile con
bon litteras de credito, si tu vole influentiar le
politicos major de Europa in considerar interlingua
como un lingua commun. Illo debe esser coherente in
su adherentia a un objective methodologia pro
ganiar le respecto de inseniantes de linguas e
traductores professional. Tu ha citate aqui
a multe occasiones le multe famose personas qui
ha appoiate IALA in le 1930s e 1940s. Isto esseva
possibile proque Seniora Morris esseva de aquelle
classe social, e illa ha persuadite per su exemplo
si non explicitemente Dr. Gode, que interlingua
debe esser iste rendition exacte e scientific,
si tu vole persuader altere membros de su classe
que interlingua esseva un bon causa a supportar.
Fin que illes se interessa in interlingua,
interlingua va remaner stationari. Illo non va
reciper le financiamento que esserea necesse pro
propagar lo. Tote iste effortios amateuresc,
martias in le quadratos de villages con signos,
"Le mundo besonia interlingua!" etc., e litteras
scribite al redactor de periodicos, non va
ganiar aquelle appoio de iste personas influential.
E interlingua remanera solmente un altere esperanto
in le oculos del publico.
Stan
----- "Allan Kiviaho" <[log in to unmask]> wrote:
> I5H xKivA - Ration de esser de interlingua _RATESSia
>
> [log in to unmask]
> FINLANDia
>
> ******************************
> RATION DE ESSER DE INTERLINGUA
> ******************************
>
> 1. MINIMia
> Hobby innocue, como debattos e querelas super le
> derivation etymologic e "godean" de parolas
> interlingual - "parolas international" e revelation de
> "errores" committite per Alexander Gode.
>
> 2. MEDia
> Interlingua como lingua AUXILIAR - "helplingvo" - pro
> e.g. tourismo, maximo interlingua como un ponte de
> apprender national linguas romanic.
>
> 3. MAXIMia
> 3.1 Interlingua como SINGULE LINGUA COMMUN PRO COSAS
> PRACTIC [*]
> 3.2 Protection de linguas national e regional.
> ------------------------------------------------------
> [*] In areas in le mundo ubi prevale le hereditage del
> civilisation greco-roman, super toto in Europa (e su
> periferia proxime, como Turchia e Africa del nord) e
> in le America romanic, ab Patagonia al Canada
> francophone.
> Probabilemente le resto del mundo (excepte, forsan,
> le communitate turc, si Turchia proprie va acceptar
> interlingua, e le communitate slavic, includente
> Russia) non va adoptar - al minus non in le proxime
> futuro - proque le carga de peccatos del homine
> europee, "homine blanc" como conquestador,
> colonisator, e oppressor es nimis pesante.
> Al altere latere, paises anglophone
> vole - comprensibilemente - facer le anglese al
> "lingua franca" (sic!) in tote le mundo.
>
> Io es interessate solmente del alternativo 3, le
> "MAXIMia". Io va travaliar pro MAXIMia usque le
> fin acerbe - o dulce.
>
> In mi sequente manifesto(s) io va tractar le
> questiones
> [1] quare un singule lingua commun pro cosas practic
> es necessari,
> [2] quare iste singule lingua commun, le "lingua
> franca", debe esser interlingua e non e.g. anglese.
> [3] quare le superviventia de linguas national e
> regional es sperabile.
>
> MAXIMiaNTEMENTE
> Allan KIViaHO
>
> --
> Archivos e disabonar: http://listserv.icors.org/archives/INTERLNG.html
--
Archivos e disabonar: http://listserv.icors.org/archives/INTERLNG.html
|
