Ecce un question interessante.  Io volerea facer alco pro le crescente numero de homines obese. Tamen io me demanda si on pote poner le blasmo integremente al pedes del catenas de restaurantes de "alimento rapide".

Il ha etiam le problema de repastos irregular e familias que non ha satis tempore pro mangiar insimul etc.

consumitor irregular de "alimento rapide"
Edo

----- Original Message ----- 
Ab: "Paul LeCorde" <[log in to unmask]>

> Regno Unite Considera un "Taxa Grasse" super Alimentos Malsan
> 
> 
> LONDON (AFP) - Le governamento brittanic considera essayar attaccar le 
> nivellos crescente de obesitate per le imposition de un tal appellate "taxa 
> de alimentos grasse" super alimentos con mal valor nutritional, secundo un 
> reporto.
> 
> Altere mesuras que illo considera include le standardisation de processo de 
> etiquettar le contento de grassia e sucro in alimentos processate, diceva 
> The Times.
> 
> Secundo le jornal, le gruppo de consultores de Prime Ministro Tony Blair ha 
> redigite propositiones pro attacar consumption de alimentos malsan tal como 
> burgers, chips e sodas.
> 
> Un planno pote esser imponer "meliorate standardes nutritional regulate pro 
> alimentos e biberages
> processate" pro informar le publico.
> 
> "Il pote haber mesmo un potential a considerar mesuras fiscal -- un "taxa de 
> alimentos grasse" applicate a
> alimentos non a gente -- o tractamento differente del VAT (taxa de valor 
> addite) pro alimentos con mal standardes nutritional, diceva le reporto del 
> gruppo, referrente a un taxa de valor addite, un taxa a vender de 17.5% 
> imponite a certe mercantias in le Regno Unite.
> 
> "Isto serea un signal a productores e anque a consumitores, e servirea plus 
> largemente como un
> signal a societate que le contento nutritional de alimento es important."
> 
> De bon hora in iste mense, gruppos de medicos brittanic urgeva que le 
> governamento prende action rapide super le "consequentias terrific al 
> sanitate" del problema de obesitate del nation.
> 
> Opiniones:
> Io ha audite de tal generes de legislation proponente in le SUA. Ma nil
> ha venite de illo.  Iste genere de taxation functionava ben pro cigarrettas
> in le SUA.  Io crede que illo functionara pro alimentos grasse.  Io non
> crede a iste puncto io pote appoiar un tal taxa in le SUA.  Io lo appoiara
> solmente si le governamento usava le moneta del taxas pro meliorar le
> sanitate del nation-- crear un systema national de sanitate como altere
> nationes moderne o usar lo pro pagar pro le tractamentos medic pro
> gente vetule qui non pote pagar (MediCare).
> 
> Que pensa vos?  Esque iste genere de lege adjutarea con le problema
> de obesitate?