Io crede que Tom Croft scribeva isto:

"Ora io sape que on pote crear un tal obra del curso
de conversation de HKj.  Quando on ha removite le
repetitiones, illo contine ja quasi 3,500 phrases, ben
que alcun vices io volerea cambiar le stilo, e.g.

"Petro es nunc in le sala... => Petro sta ora in le
sala...

"Oh, illo non es multo importante. => Oh, illo non
importa multo."

---

Naturalmente omne vos pote adaptar mi textos cambiante
le stilo del linguage como vos vole.  (Facer isto ha
su proprie valores pedagogic!)

Como io ha dicite antea, interlingua, como un lingua
planificate, non ha un corpore de usatores native qui
pote decider questiones de usage, e il es impossibile
asseverar que phrases como

(a) "plus importante que isto" es correcte, pro
exemplo, e "plus importante de isto" es incorrecte, o
que

(b) "traducer in anglese" es correcte e "traducer al
anglese" es incorrecte, o que

(c) "como me" (italiano: come me) es correcte, durante
que "como io" (espaniol: como yo) es incorrecte.

(In iste caso le espaniol "como" es un preposition
exceptional que usa como su objectos pronomines
personal nominative in vice del pronomines
oblique/objective.)

E si on me invia listas de phrases in anglese,
espaniol, portugese, francese, o italiano pro
adaptation a in interlingua, omne vos pote copiar lo
que io produce e cambiar su stilo secundo vostre
preferentias.

---

Un altere cosa:  Le repetitiones in mi curso ha un
function pedagogic.  Illos adjuva le memoria a retener
nove constructiones.  Como diceva le romanos
"Repetitio, mater memoriae."

__________________________________
Do you Yahoo!?
The New Yahoo! Shopping - with improved product search
http://shopping.yahoo.com