At 28 Aug 2000 12:22:22 -0300, Emerson S Costa wrote:
>Consequentemente, io ha decidite non commentar le affaire. Al fin, mi
>suspicion se ha provate correcte -- Petry, de novo, habeva lanceate un
>notitia inveridic in le aere.

Hmmm. Es correcte mi impression que iste Bob Petry es le principal
occidentalista actualmente active?

Io lo ama que io pote esser active in e pro interlingua sin dedicar
me a alcun organisation o persona. Per contrasto, io legeva que Bob
Petry mesmo prohibi le distribution de materiales de occidental foras
de su lista de e-posta!

Le integre movimento de occidental me pare como un bizarre culto de
personalitate. Un bon ration pro preferer interlingua.

Ben... a deman io viagiara de Svedia retro a Nederland. Io lo
regretta que io non ha potite venir al Incontro Nordic - combinar lo
con mi altere obligationes era troppo complicate. Vostre contos del
incontro me monstrava que io vermente ha omittite qualcosa.

Io intende resumer le publication de Internodio quando io ha
retornate e me ha recuperate del viage, ma io non pote promitter
alique.

- Martijn, qui nunc va essayar oblidar de tote iste nonsenso occidental

P.S. Io non vole que iste message sia distributate a alcun altere
lista. Le mesme applica a tote mi altere messages, si non io ha date
permission.