[log in to unmask] [log in to unmask]
http://adam.cheshire.net/~jjbowks/home.html
~~~~~~~~~~~~~~~~~~~~~~~~~~~~~~~~~~~~~~~~~~~
Ay ay ay!
Piet, mi amico, io non es a promover necun
resurrection del Latino sine Flexione, solmente
publicante information re le effortios de un
grande homine in le historia del movimento
interlinguistic, e un del personas a qui le
IALA debeva multe, multe, multe.
Per favor include le emoticones in tu message
per que io non es a saper si tu vole flagellar
me o accusar me de esser un traditor al causa
IALAista. Io in veritate crede que le Interlingua
de IALA es le melior lingua pro supermontar le
obstaculos linguistic de Europa. Mais io non
crede que le Interlingua de IALA es perfecte
e que illo es finite. Le lingua cambia, le
lingua cresce, illo deveni plus e plus usabile
le plus e plus que personas lo usa. Le Latino
sine Flexione non lo usa nemo que io sape...
Le Latino sine Flexione non ha multe representation
in le Tela Trans Terrestre, le Esperanto ha tante
plus representation que Interlingua de IALA, tunc
significa isto que on debe de vader al causa del
Esperantistas? Non, il es clar, mais mi effortios
de fomentar interesse in le linguas del passato es
un hobby que io developpa pro le interesse de
altere personas. Io alsi travalia in information
re Occidental, e io vole saper plus del Mondial,
del Neo, e del Interlingua de Peano. Isto non es
un attaco contra Interlingua de IALA, il non ha
ration pro temor de illo, io ama le lingua belle
international de IALA e volerea que il habera plus
sitos re Interlingua de IALA. Tunc mi effortios in
promover le Interlingua de IALA e tu sape jam mi
contactos con tante interessatos e interessatas
e un del fructos es nostre amicos in Romania.
Io es multo gaudiose del augmento de interessatos
in Interlingua de IALA gratias al Interrete. E tu?
Es que tu alsi opina que haber un presentia plus
active in le Interrete es bon pro Interlingua? Io
es secur de illo e habe travaliate multo pro illo.
Non crede tu?
Tunc, Piet, non te preoccupa, il non ha ration de
dubitar mi devotion a fomentar le focos interlinguistic
e promover le Interlingua de IALA, le Travlang.com
es un ver exemplo de illo, non?
Sincermente,
Jay B.
----------
> From: Piet Cleij <[log in to unmask]>
> To: [log in to unmask]
> Subject: Latino sine Flexione
> Date: Saturday, October 18, 1997 7:15 PM
>
> Car amicos,
>
> Me surprende in alte grado le initiativa de Jay Bowks de disinterrar e de
> promover iste lingua del passato remote, le lingua de Guiseppe Peano.
> Pro que promover duo linguas? Esque un sol non suffice?
>
> Pro le publico neutral e sceptic le attitude de personas qui propaga duo
> linguas differente es sin dubita incomprehensibile e illo va dar
certemente
> un impression de manco total de seriositate. On va pensar que nostre
> activitate pro le promotion de un lingua international es solmente
> un joco frivole e sin ver importantia.
>
> In vice de guastar nostre fortias al Latino sine Flexione e de crear per
> isto un enorme confusion, il me pare preferibile, si vermente le cosa de
> un lingua auxiliar es un cosa seriose pro nos, de mobilisar omne nostre
> fortias pro le diffusion del lingua de I.A.L.A.
>
> Salutes amical de Piet
|
