Le relation inter le societate in general e le personas
qui pro un o altere causa sta al latere de iste societate
es problematic. In Svedia nos ha politic activistas qui
certo es in favor del systema dictatorial in altere
partes del mundo ma prefere in alte grado le democratia
pro se ipse. Un exemplo de un tal figura es le famose
scriptor Jan Myrdal, un excelente descriptor de viages,
enormemente erudite ma - in mi opinion - sin le
capabilitate utilisar su sagessa in un maniera que es un
auxilio al humanos ordinari. Un multo bon libro de ille
es in anglese su "Confessions of a Disloyal European", un
multo inspirante libro.

Varie fundationes statounitese ha ducite un multo
consciente politica de recrutar gerentes (leaderes) futur
in Europa e date a illos stipendios pro studios in le
Statos Unite. Ego trova que isto es multo ben, proque in
iste maniera le gerente politicos in Europa cognosce le
Statos Unite, lo que es necessari in un mundo que ha le
aspecto de nostre mundo.

Como non-statounitese e como persona qui nunquam ha
visitate le Statos Unite ego ha un pictura que es
eclectic, fundate in films e libros que ego ha legite e
in Series de television. Pro isto mi vista es multo
estranier, le vista de un persona al latere, un
spectator.

Un cosa que ego multo place in le americanos, si nos
prende le cosa multo generalisate, es le enorme "coraje
civil" que multes demonstra. Ego incontrava, durante le
guerra Vietnam, alcun desertores in Svedia. Il es multo
coragiose decider de non ir in un guerra que le nation
postula que on participa.

In Svedia il era forte protestos contra iste guerra, ma
in facto solo postque il habeva un opposition contra illo
in le Statos Unite ipse. Ego me recorda como le radio
Moscova in su transmissiones in svedese narrava del
"Imperialistas american qui devasta e adure le villages
in Vietnam". Ma le opinion public era massivemente
pro-american. Solo post le opposition in le Statos Unite
isto se cambia e illo deveniva un affair del sinistra
(leve) in le pais.

Que le Front National del Liberation era totalmente
gerite del Vietnam de Nord multe humanos non voleva o
poteva creder.

Un vietnamese qui habeva studiate in le Union Sovietic me
narrava que in le 80's quando le curso politic in Vietnam
drasticamente cambiava, le studentes vietnamese in
Moscova subito rebellava contra su "politinstes"
(instructores politic" e non plus se subordinava al
ferrose disciplina al qual illes era subjugate.

Il es possibile que ambe lateres habeva luctate in un
guerra le qual esserea innecesse, in le caso que le
politicos a ambe lateres, haberea essite plus sage...

E le nove generation cerca le cosas positive in le Statos
Unite.

Ma il es un cosa esser le stipendiato estranier in le
Statos Unite e un altere de esser le persona qui debe
facer le lucta in le pais ipse...

Ego ha in mi vita, non lo minime in iste lista,
incontrate multe clar americanos con le quales ego ha
habite multe interessante discussiones.

E le avantage es que ego ora non solo ascolta le voces
del societate privilegiate ma anque illes qui parla in
favor del disavantagiate in ille pais.

Un sorta de replica.

Kjell R