Car Amicas e Amicos del lista Interlng,
al fin de non provocar un reaction non necessari re mi proposition e
suggestion de quitar le lista Interlng, io pensa que il es necessari un mi
precisation de iste typo:
a) Interlng debe restar con su characteristicas attual, sin alcun
modification. Inter le personas civil le regulas es jam illos natural.
b) Interlng debe acceptar omne sorta de propositiones pro un diverse
practica de Interlingua reguardo al canones IALA.
c) Totevia Interlng debe restar le gymnasio pro le practica de Interlingua
que respecta le canones IALA.
Que volerea dicer isto in le practica?
Simplice! Quando un qualcunque contributor qui gaude, como totos, del
libertate sancite al puncto a) habera necessitate de proponer al attention
de totos un qualcunque idea per ille retenite valide, ben, pro le puncto b)
ille potera facer lo sin limitation al fin de explicar le idea.
Comocunque pro le puncto c) Interlng non pote devenir le lista que assume
systematicamente canones diverse de illos definite historicamente per IALA.
In mi proposition e appello, io non cerca altere que iste tres punctos e io
pensa que un lista historic como Interlng debe modificar, si necessari, le
conditiones requeste al contributores pro obtener iste respecto de ora e
sempre in futuro.
Isto debera comportar de consequentia que un contributor que devia
constantemente al observantia del puncto c) sera publicamente invitate per
le responsabile del lista a modificar su comportamento, e in presentia de un
continuation de un practica diverse de Interlingua, ille al fin sera
removite ab le lista Interlng.
In le proxime dies, in le proxime menses, nos assistera al commun action del
integre communitate international contra illes qui pensa de modificar le
mundo con le prepotentia e le terror. Isto sera le initio de un valorisation
del libertate personal que es essentialmente respecto pro le regulas del
communitate, e limitation del licentias de omne sorta, que es abuso e
violentia.
Gratias pro vostre attention,

Mario


_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp