Car amicos,
Internet es un medio de communication multo rapide.
Troppo rapide a vices.  Isto io constatava in le minuta
post haber inviate un message a INTERLNG un die gris
quando io esseva de mal humor (non sin causa, sed...), in le
qual io dava le consilio non sollicitate de consultar dictionarios
e le facile grammatica de nostre lingua ante scriber.  Io sape
que nemo apprecia critica mesmo quando illo es un adjuta, un
pulsata in le juste direction.  Si alcuno - mesmo un sol persona -
ha hesitate, a causa de isto, a usar le derecto de utilisar le lista
pro su ver e sol scopo, i. e. pro  p r a c t i c a r  le lingua per
scriber e scriber e apprender per correctiones - in tal caso io
pete vos pardonar me.   Si al contrario  solmente uno o duo postea
ha perstudiate un manual o un grammatica e venite al conclusion
que un lingua *functiona satisfactorimente* solmente si tote
le involvitos, le "transmissor" e le "receptor" in un conversation
usa le mesme "codice" - in tal caso io non regretta haber
devenite un persona impopular in le gruppo. (Un risco que
cata instructor debe  o s a r  a prender!)

Un nova: In le anno nove io essera plus bon, minus honeste
e plus flattatori al resto del humanitate...

Seriosemente: A vos omnes qui labora pro Interlingua, non minus
Paolo, Frank Pfaff, Ensjo con le sito e le listas, Piet, Leland, Thomas e
mi
collaboratores intra Soc.Svedese pro I-a io desira un Bon e
Felice Anno Nove.    Inspira vostre amicos a devenir membros
a comprar libros, a inseniar in cursos - vos ipse es polyglottos,
pro multes le lingua non es tanto facile.  Gratias special a Jan
qui me ha salvate ex le situationes quando mi computator menaciava
disnervar me, e le Rete a strangular me...   (QUE?!?  Vos regretta
que isto non occurreva?!?!)

A revider a omnes!
Amicalmente, Ingvar

Ingvar Stenström,
Vegagatan 12, S-432 36 Varberg, Svedia
Tel. +46-/0/340-15053
<[log in to unmask]>
<[log in to unmask]> <[log in to unmask]>