Il me sembla que le lista interlng es multo
silente in le ultime tempores. Supposibilemente
isto depende del facto que omnes al hemisfere nord
gaude del estate. Ci il face belle temperie, con
sol e quasi nulle nubes. In accordantia del gruppo
de discussion del Rete Usatori (Mi
interlinguisation de UseNet)
alt.lifestyle.barefoot ego ha jectate le scarpas
via e gaude del calor que me permitte ir
discalceate, un multo agradabile sentimento. In
ille gruppo de discussion que es emovente in un
maniera, humanos narra de lor experientias sin
scarpas in varie locos. Ante toto in le Statos
Unite e in Australia con dispersite germanos e
russos, on narra de experientias, e ci qusi solo
ora il ha estate! Antea il faceva troppo frigide
pro discalceate exercitios.

Hodie nos ha un die libere in Svedia, proque tote
le pais festa le Ascention de Christo e
simultanemente (un facto del qual pocos es
consciente!) le Die del abstinentia del populo. De
que debe le populo abstiner se, del violentia? del
sex?  Nonononono! Del biberages alcoholic! Le
abstinentes se collige in le Museo de libere aere,
Skansen in Stockholm e on face orationes que es
transmittite, in parvissime partes, per le medios!

Hodie ego va ir in le sol, gauder del temperie e
leger un interessante libro (in anglese).

Kjell R (gaudiente del belle die) temperaturas
circum le 20 hodie!