Le sequente information es interessante. Ego lo ha
ex le littera de notitias Uppsnappat que es
redigite in svedese. Information captate es un
pallide traduction del nomine del epistola
notitiari.

Ecce le texto in mi interlinguification:

Articulo redactional:
Nos svedeses naviga le rete in un grado sin
presendentia. In un inquesta del Jupiter MMXI,
4.229.000 svedese in le etate de 12-79 annos
habeva accesso al rete alcun vice durante le mense
februario. In le Statos Unite le fissura digital
sembla diminuer. Ibi le personas a basse invenitos
es responsabile pro le plus grande augmentation
del uso del rete, lo que se explica per le facto
que le precios de et computatores e subscriptiones
al rete ha cadite.

Le regentes in Citate de Mexico prende un mensura
interessante, non pro diminuer le fissura digital
ma ben pro combatter un multo plus grande
problema, a saper le pauperitate (povressa). Per
excambiar in le computatores del administration le
Windows pro Linux on spera economisar grande
ammontas in pagamentos de licentias a Microsoft,
pecunia que on in vice pote usar in programmas de
mensuras pro combatter le pauperitate in le urbe.
Le administration in le capital de Mexico exspecta
haber cambiate a Linux in omne su systemas
computatorial intra duo annos.

Matteus de Andreas