Salute,

Finalmente io pote facer un annuncio public official que io ha al
requesta de Piet Cleij assumite le gerentia del Servicio de Libros UMI,
in collaboration con ille. A partir de hodie, le 2 de januario 2003, le
SdL ha un nove adresse postal:

Servicio de Libros UMI
Postbus 4035
9701 EA  Groningen
NEDERLAND

Per favor cessa le uso del vetere adresse in Beekbergen, e actualisa
vostre paginas web. Como sempre, le adresse de e-posta es
[log in to unmask] e le sito web es
<http://www.interlingua.com/libros/>.

Le 30 de decembre tote le libros esseva livrate a mi casa per le
ex-gerente Frits Goudkuil personalmente, qui habera tosto 86 annos. Su
filio junior conduceva le camion con le libros. Io spera que mi
mansarda essera satis grande pro toto - e isto es post que Piet ha
prendite un surplus comprehendente plus que le medietate del stock in
su proprie casa.

Mi parte del stock es in un stato de grave disorganisation post le
transporto, e ben que io labora die e nocte, il va prender plure
septimanas a organisar e classificar toto. In le interim il es
possibile que io non pote trovar iste o ille libro, e le livration pote
esser retardate (isto ha jam evenite un vice). Io requesta in avantia
vostre comprehension pro isto.

Felice anno nove,

- Martijn