Mario Malaguti wrote:

> Luca Ghitti <[log in to unmask]> scribe un belle relation re le Euro e
> ille conclude con iste reflexion:
>
> >Qual pote esser le impacto real del population re iste nove euro nos lo
> >videra in le proxime menses. Securmente in le prime dies nos habera multe
> >confusion e errores super toto proque il non habera nove euros bastante pro
> >totos!
> >
> >Le sito official del euro in rete: www.euro.ecb.int
>
> >Luca Ghitti
>
> Nos habera le Euro in quantitate bastante e in le prime duo menses nos
> potera utilisar le nove e le vetule moneta.
> Io non crede al possibilitate de facer confusion anque si iste situation
> sera sempre possibile pro alcun personas, ma isto es inevitabile, divertente
> e anque belle perque human.

Infelicemente Svedia non va participar al transition del Euro. Le populo crede
que illo es Grande Britannia e pro isto sta extra el yurou! Tamen le communas in
le nord vicin al frontiera a Finlandia jam es preparate al uso del euro, viste
que personas ibi labora a ambe lateres del frontiera, e illes habitante in
Finlandia vole naturalmente haber lor pagamento in euros e non in le valuta nano
del corona svedese.

Personalmente io suppone que le euro, si on non face alcun pur stipiderias in le
continente, rapido va domesticar se mesmo in Svedia e humanos lo usara
inofficialmente.

Le majoritate "non" crede que le euro es un conspiration. E on vole haber un
referendo. Estranie, primo on ellige politicos qui va curar del politica, e
postea on crede que le population va prender decisiones que vale plus pro
banchieros! A vices io ha dubitas re le sensibilitates de un democratia, mesmo
si io es principalmente pro le derecto de cata persona haber influentia in le
conducer del societate!

Ante plus que 100 annos Svedia introduceva le corona svedese e su cento, le
"öre", sin grande discussiones. On etiam introduceva le metros e le kilometros e
un millia svedese = 10 km. Nunc illo es substituite per solo kilometros, nam
isto deveniva international.

Sed nunc mesmo le idiotas va dicer su opinion!

Terribile!

Cellus

Nos vive sin discussion in tempores interessante.