Le Placia 4.
Car Sigmund, iste pagina es particularmente dedicate a te. Gratias pro tu
replica e vide como io la ha gerite in Le Placia.
Si tu non es de accordo, scribe me.
Io ha habite problemas con le nomine que tu ha usate e etiam con Phenice,
Assiri, Emilia.
Io ha in projecto de prosequer le thema in mi paginas
http://www.telegrupigi.com/leplacia/rcitt.htm ubi il es presente le indice
cronologic del thema "citates".
Antonio: "In le Renascentia le architectos son ingagiate in scenographic
(spectaculari) arrangiamentos de placias e de stratas in le centros major."
Mario: "Pro fortuna sol in le centros major, ubi le presentia de un corte
pretende le creation de un ambiente conveniente a su prestigio.
Sin consideration pro illo que on destrue!"
Antonio: "Justo, se presenta un particular categoria de architectos, le
architectos militar."
Mario: "Illes son occupate a restructurar le obras de defensa urban.
Antonio: "Le armas de foco son le causa."
Mario: "Pro fortia, illos disorganisava le precedente methodos de defensa."
Antonio: "Un revolution!"
Mario: "Le mura (the town walls) medieval alte e crenellate (with merlons)
con le posto de guarda in salientia, con le fissuras pro colpar con saxos e
plumbo fuse le assalitores, illos non servi plus, illos son troppo fragile
sub le colpos del cannon."
Antonio: "Guarda Mario, nos ha Sigmund con nos, qual surprisa! Como va tu
Sigmund?"
Mario: "Como sta Sigmund?"
Sigmund: "Multo ben in iste climate, in iste belle placia, complimentos!"
Antonio: "Cosa conta tu nos Sigmund?"
Sigmund: "Que tempore! Ha vos audi Salama con su considerationes supra le
tempore?"
Mario: "Perfide Mike, ille ama su semi deserto e a Salama qui ha pro normal
zero grados... "
Sigmund: "... ille dice: "Gaude tu temperaturas assi agradabile!" Il es
dur! Ma vos discuteva de citates ..."
Antonio: "e re architectos militar e lore damnos!"
Sigmund: "Serea interessante leger le libro de 1958 per Arsenio Frugoni con
le titulo "Historia del citates in Italia". Vermente, le historia del
statos como illos appare hodiemente partiva in 4 placias, cata uno al
bordos de grande rivieras: le Nilo, Euphrate-Tigris, Indus e un grande
fluvio in China, circa tres milles annos ante Christo."
Antonio: "Ma in Italia... "
Sigmund: "Sed parallelemente le vaste majoritates de statos del mundo de
iste tempores esseva parve citates-stato. Pro exemplo in Grecia ancian
solmente le relativemente parve peninsula de Peloponneso era dividite in
Akaia, Elis, Arcadia, Messenia, Lakonia, Argolis e Corintho, mais vermente
iste territorios non era strictemente le stato. Le stato, o le citate e le
citatanos del stato, era le citatanos del citate, non le fermeros extra
illos."
Mario: "Tu ha emphase, fermeros o agricultores!"
Sigmund: "Le mesme condition remaneva le regula pro millennios in le
Oriente Medie e le resto del mundo civilisate. Le prime citates del Italia
de hodie esseva conjecturalmente Phenicean, nonne?"
Antonio: "Sigmund, le Phenice appare depost le dominio cretese-miceneo
circa le 1200 a.C. e in le VIII Seculo a.C. illos son jam tributari de
"Assiri" e le Italia peninsulari non es exactemente in lore vias
commercial. Nos ..."
Sigmund: "Le plus vetule urbanismos original in le peninsula italian esseva
le citates del etruscos, le quales era multo plus vetere que Roma, nonne?".
Antonio: "Si, Sigmund, ma nos parti de multe antea con le terramare, per
exemplo."
Sigmund: "Post le Pheniceans arrivava le grecos con duo differente typos de
establimentos; illos restringite a commercio solmente (trading stations in
anglese) e un altere typo como un colonia (quando on sasiva (conquireva) un
plus grande territorio de terreno pro cultivar lo), un forma de emigration."
Antonio: "Si, tu ha ration Sigmund, in general eveni assi, como tu dice, ma
nostre libro tracta le thema del historia del citates in Italia, e illo
describe iste historia ci, con su individualitate, nos pote dicer le
historia indigena, de nativos, illa que se forma in le succeder se del
stabilimentos. Tu face referentia a tempore plus recente, o relativemente
plus recente."
Sigmund: "Io non crede que le historia del citate italian es multo
differente con omne altere citates del Mediterraneo, del Mediterraneo
occidental. Sovente un citate poteva governar un altere citate, e iste
phenomeno portava le nucleos de formation del grande territorios, e
finalmente nostre statos national, car Antonio!"
Mario: "Sigmund nostre Antonio tenta de demonstrar que le citates italian
ha un historia differentiate. Il ha disparitates profunde inter un citate
litoral e una in le interno del Sardinia, como inter una del actual Emilia
e una del actual Toscana, separate del Apenninos, ma in realitate habente
origines diverse."
Superveni Maria Teresa: "Ciao a totos! Mario te recorda tu de venerdi
proxime?"
Mario: "Io debe quitar, ciao Sigmund e ciao Antonio, a tosto."
Antonio: "Etiam io, Sigmund, debe quitar. Nos prosequera, io spera. Revide
Akaia, Elis, Arcadia, Messenia, Lakonia, Argolis e Corintho, per favor. Io
es in dubita pro como scriber los. Ciao Sigmund, a tosto."
Mario Malaguti
mailto:[log in to unmask]
Informatica GI Srl
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.informaticagi.it
http://www.affresco.com
Le 25 de novembre 1998.
Revisiones del texto, links al pagina:
http://www.telegrupigi.com/ leplacia/rcitt.htm ubi il es presente le indice
cronologic del thema "citates".
Le participation es sollicitate.
|
