Telephono mobile ... II

Gentilhomines,

in mi previe message io usava le parola "politia". Il
debe esser "policia".

Io scribeva super le nove technicas "WAP" e "UMTS".

Le tertie nove technologia le plus importante es
"Bluetooth", technologia de radio de attingimento curte.

Con iste technologia le nove terminales, telephonos mobile
e ordinatores pote communicar inter se. Il es importante
pro le developpamento del automatica de bureaus e casas.

"Bluetooth" o "Dente blau" es, naturalmente, impossibile in
interlingua e altere serie linguas. Forsan "Technologia
del radios de attingimento curte" (TERAC). Le lingua
finnese ha nulle problema: Lyhyen kantaman radiotekniikka.

In finnese nos ha un multo bon termino pro telephono
mobile - "kännykkä".

"Känny" es lingua de infantes, un diminutivo de "käsi"
(mano) o "kämmen" (palma), forsan "palmetto" in
interlingua ...

Un termino supreme finnese es illo pro nove apparatos
de communication que usa le technologias WAP, UMTS e
Bluetooth. Il es "MULTIKKA" (ex apparato de multimedia).

"VALTA"    = potentia
"VALTIKKA" = sceptro (le symbolo de potentia)

Sed non multa - multikka proque "multa" = humus, solo ...

On scribe in le jornal finnese "Aamulehti", un jornal de
"mi" corporation:
"Multikka on joka kodin valtikka, jonka avulla hoidellaan
paitsi kodin koneiden toiminta, myös yhteydet
ulkomaailmaan".
---------------------------------------------------------
"Multikka es le valtikka (sceptro) de cata casa, con illo
on manea non solmente le operationes de machinas casal,
sed etiam le communicationes external".

Le tres grandes, Nokia, Ericsson e Motorola ha formate un
alliantia, "Wap Forum", pro facer standardes pro le nove
technologia. Iste Forum ha un commun inimico formidabile,
Microsoft.

Salutante

Allan Multikka

P.S.
Infortunamente iste nove technologia significa que le
terra deveni plenate con le mastes de radio.