Bon die Tomaso,

Io vide con placer que tu non ha totalmente disparite de interlng. Solmente
alicun parvissime cosas, vide infra!

-----Message original-----
salivanto scibeva :


Car Loeiz,
   Ante longe tempore (presque un mense plen) to ha
respondite a un de mi messages, e io non ha respondite
... usque nunc. Veremente, io es in un crise personal,
proque io cerca urgemente un posto nove.  Tamen io
vole prende un minuta pro pensar super altere cosas
que le laborar.

Pro recorda le thema a nos...

Le 5 Jun 2004, Salivanto (Thomas Alexander) scribeva:
> Primemente, remarca le uso de "le" esperantistas in
> tu message, e le messages de alteros.  Qui es "le"
> esperantistas?  Tal uso me pare como prejudicio fede.

Le 6 Jun 2004, Loeiz scribeva:
> Le articulo non monstra ulle inimicitate contra le
> esperantistas. Non scriber lo esserea pro me le
> equivalente del articulo indefinite plural (=certe
> esperantistas, o un parte del esperantistas, non ha
> invitate...). Le articulo definite, si illo
> refererea a un integre classe, poterea al plus esser
> ironic. Tamen, illo designa hic "le esperantistas
> [qui ha formate iste lista]".

Il es ben possible que io ha miscomprendite tu
message.  Pardona me, per favor.  Sed isto non
significa, que tal prejudicio non exista.

==> ah, il es ver que tal prejudicios existe... sed non in me : como poterea
haber tales sin cognoscer ulle esperantista? Totevia, io debe admitter que
io esseva ironic. Non contra tote le esperantistas, sed contra illes qui ha
facite iste lista pro le electiones europee.

In le mesme die, (6 Jun) Peter Kleiweg scribeva:
(Thema: Re: interlingua)

> Naturalmente, le esperantistas crede que tote le
> mundo debe parlar esperanto, e illes ha presentate
> esperanto como le latino nove per le ecclesia:

Claro, ille non vole dicer "le esperantas qui ha
formate iste lista" o similar.  Ille parola como
omne esperantistas pensa in le mesme maniera.

Io es esperantista, sed io non pensa que "tote le
mundo debe parlar esperanto" e io non ha scribite
un articulo super esperanto como le latino nove
pro le ecclesia.  Ergo il es clar, que "le
Esperantistas" non ha facite lo que Peter ha
dicite.

Loeiz scribeva plus:
> Del altere latere, e a un nivello plus personal,
> io ha nulle hostilitate contra esperanto; io opina
> que interlingua e esperanto non pote esser
> seriemente concurrentes,

Io non necesarimente disaccorda con te.  In plus,
on vide facilmente, que on discuta plus Esperanto
in un lista de Interlingua (e.g. INTERLNG) como
Interlingua in un lista de Esperanto.  Inter le
esperantistas, vermente, quando on vole discuter
concurrentes, on pensa a Volapük o Ido, e non
Interlingua.

==> Forsan illes compara Esperanto con Volapük o Ido proque omnes es cosas
del passato ? (io burla)

> [snip] In le caso de interlingua, il se tracta de
> un... inter-lingua, un instrumento que permitte a
> diverse linguas e lor locutores de incontrar se.
> E si, como in interlingua, le resultato es
> agradabile a leger, a ascoltar o a pronunciar,
> tanto melio!

Clarmente io vide alicun cosa bon in apprendar e
usar Interlingua, o io non lo facerea.  Il es tamen
regrettabile que inter le interlinguanos on vide le
mesme fanatismo, le mesme literaturastro, e le mesme
erudition false (inter multissime cosas bon), que
on vide inter le esperantistas (anque inter multe
cosas bon) e tante interlinguanos nega que le duo
cosas son comparabile.

==> Io es totalmente de accordo con te. Le militantia in favor de un cosa o
un altere, qual que sia illo, conduce a vices al fanatismo : personalmente,
io non pote impedir me de resentir un certe contempto pro ille gente qui
frequenta solo illes qui ha le mesme ideas... Illes vive inter illes, se
marita inter illes, face infantes inter illes, mori inter illes... Nos pote
parlar liberemente re illes, il ha nemo de iste sorta hic ! Il es multo
differente haber convictiones e desirar facer les progreder.

> Secundo lo que io sape del historia de esperanto,
> le prime scopo de Zamenhof esseva unir le populos
> per medio de un lingua commun e neutral. Sed tu
> cognosce le historia del movimento esperantista
> multo melio que io, e tu pote informar me re isto.

Non oblida...
1 - Que Zamenhof era solmente un (1) esperantista
    inter multes.
2 - Que Zamenhof in su viva longe habeve multe
    ideas, e non omnes era ligite con esperantismo.

==> Claro! io ha nunquam cradite que "le esperantistas" (omnes, iste vice!)
debeva esser hillelistas !

Anque amicalmente,

Tomaso
(De novo pardona mi errores e intentional e non intentional.)

------------

Bon. Io spera que tu disoccupation non durara. Re travalio, io constata
sovente que illes qui cerca non trova, e illes qui ha, ha troppo. On deberea
:
sia
1. divider le travalio
sia
2. prohibir lo.

Io votarea pro le lista qui seligerea le secunde solution !

Pigremente,

Loeiz.