Stan scribeva:
>Bon remarcas, Kjell, super vostre experientia con esperanto e interlingua.
>Vos ha ration que le duo linguas se basa super conceptiones differente.
>Esperanto ha le vision de devenir un lingua pro tote le mundo.  Interlingua
>ha le vision que illo essera usate ubicunque le linguas major europee ha
>lor influentia in le mundo, que es un differente idea de "international".

Kjell R: Io dice como in le operas juridic del Statos Unite del quales
nostre televisiones nos nutrifica: "Objection, vostre honor!" Gode operava
con simile pensatas, e io pensa que ille non habeva ration. In mi opinion:
Interlingua es la pro cate persona qui lo vole usar. Sia ille un parlator
de linguas occidental o non. Le facto que interlingua es un extraction del
grande linguas occidental significa que illo in su prime divulgation pote
esser facilmente usabile pro personas qui maestra un o plures de iste
linguas, ma isto on debe comprender como un del medios de divulgation. Pro
linguas del typo esperanto on debe substituer iste avantage per un multo
habile propaganda - o reclamo - si vos vole, ma legente le textos de Gode
io de tempore al tempore habeva le impression que Gode habeva pensate que
interlingua se diffunde automaticamente.

Gode videva interlingua - ante toto - como un medio de communication pro le
mundo academic, si io ha ben comprendite toto. Io vide interlingua como un
medio de communication pro cata persona qui lo vole.

Los que nos ha es un lingua. Un lingua pote esser usate pro multe schopos
per multe personas.

Lassa me pro un momento esser un poco utopic! Imagina, que occurrerea, si
interlingua era inseniate in omne le scholas de Russia e le paises Nordic e
Baltic! In ille caso le contacto inter nos e le russos esserea _multo,
multo_ melior! Memora que io pote in un tempore de circum 40 minutas volar
a S:t Peterburg! In un tote altere urbe con un totalmente altere cultura,
ubi mesmo le nomines del stratas es difficile a comprender, si on non sape
le alphabeto russe! Io parla un poco de russo, ma le plus-parte de mi
compatriotas debe servir se de un plus o minus sonor anglese.
O imagina que io sede in un avion un poco plus de minutas e atterra a Riga,
ubi io debera servir me de anglese, malgrado que le equales de mi etate
pote servir se del politicamente non plenmente correcte russo! Qual adjuta
de un neutre interlingua!

Certo le discussiones inter le parlatores de varie linguas poterea esser
multo plus pacific e crear un multo melior medio de collaboration.

Stan M.:
>Le civilization europee (que include le civilizationes del hemisphero
>occidental) ha essite le fortia detra le internationalismo durante aqueste
>seculo passate e va continuar in aquesto rolo in le futur.  Io spera que
>le chinese non proseque un politica de expansion territorial e cultural,
>e le mesmo pro le civilization russe, que non es purmente europee, ben
>que illo ha essite influite per su contactos con le occidente. (Le russo
>contine numerose parolas latin e francese e italian in origine).

Kjell R: A mi aviso le cultura russe non differe multo plus de illo de
Europa occidental que illo in Grecia. Il es clar que in nostre tempore
Russia es in un deplorabile stato post 70 annos de communismo, ma il es un
extrememente periculose error, si on non recognosce que russia face un
parte del cultura europee. Il ha un periculo in isto que le experientias es
multo differente. Io ha pensate de isto quando io audi de _consultos_
occidental qui vade a Russia pro inseniar economia de mercato.

Io pote observar le turbulentias que le micrissime passettos de
disstatalisation crea ci in Svedia! Le population non comprende "pro qual
cosa?" Isto tombeva a me como un fulmine quando io legeva le manuscripto de
mi filia in re le libere mercato de habitatos in Russia! (Concerne
appartementos e casas (villas), que debe esser privatisate.

Pensa, quando un altere persona, in le administration, decide ubi e como tu
pote viver. Tunc tote tu orientation in le vita es un altere co si tu pote
ipse decider que facer e quando. In un certe situation politicosocial isto
pote esser practic, ma io senti que isto pote haber effectos detrimental.

Interlingua esserea un fantastic beneficio pro Russia e le partes de Europa
apud illo.

Stan M.:
Mais
>le russo ha differente conceptiones de governamento, religion, e commercio.

Kjell: Si, justo, e per un _large_ intercambio cultural per medio de
interlingua on poterea amplificar le impressiones mutual. Nos ha ci in le
occidente etiam _multo_ a apprender de Russia. Il nunquam es assi - e il
nunquam debe esser assi - que un apprende e un altere es le alumno. Nunc
toto isto occurre via le anglese, e le imagines de comparation que on ha es
illos del Statos Unite. Isto es tanto mal como quando on durante le
communismo probava imitar toto russe, e del extero il habeva le impression
que tote le paises "communista" era simile. (Plus de isto in un futur
message).

>Le civilization islamic anque se basa super differente conceptiones de
>governamento, religion, commercio, e lingua commun (arabic), e un
>sonio a reganiar su  dominantia perdite in le affaires mundial.

Le islam ha le mesme fundo que le christianismo e judaismo. Durante que le
christianismo cambia - post un revelation de Deo al apostolo Paulo - le
regulas del mangiar, le islam e le judaismo los retene. Isto pote esser le
principal problema, sed solmente si on vole facer uno.

Il ha etiam habite tal currentes in le christianismo, e le Baha'i previde
specie de theocratia, si io ha comprendite lor explicationes ben. Lassa me
continuar mi utopismo: Si interlingua esserea inseniate in le paises arabe,
isto significarea un plen revolution inter ille populos e les del
occidente.

Finalmente ille ipse poterea explicar lor punctos de vista in un pur lingua
international.

Quanto al arabe como lingua international, on debe memorar que lo que on
scribe es plus o minus arabe classic, arabe del Qur'an con certe
adaptationes, que io non es competente de exemplificar. Il es como si le
latino era le sol lingua scripte in Europa, un situation que solmente pote
gauder un profesor de latino. Io dice uuuuufffffffffffff!!!!!!!!!!!!!

> Io opina
>que linguas es disseminate primarimente super le dorsos de altere
>vehiculos social, e le conflictos inter civilizationes va limitar le
>possibilitates de un sol lingua pro le mundo.

Desde le 19-e seculo il ha existite un moscea in Helsinki, e il vive
tataros in Finlandia que ancora es muslems e es - quanto io sape - ben
adaptate al vita in Finland. "Sape tu plus de isto, Allan?" Il habera
differente civilisationes si nos los provoca. Nos habera prefetias
auto-realisante.

Stan M.:
Le vision esperantic es
>le vision de un europeo, frequentemente socialistic, extendite a tote
>le mundo, e io crede que tal conceptiones va incontrar le resistentia de
>altere civilizationes in le mundo.  Illo es un sonio belle, mais non
>multo realistic.  Plus realistic es le possibilitate de un Europa unite--
>ben que mesmo aquello es ancora problematico. Mais durante que le
>civilization europee continua a haber vitalitate e influentia in le
>mundo, interlingua va haber un loco, specialmente si europeos continua
>a parlar in plure linguas.

Kjell R:
Le probabilitate es que Europa parlara plus de anglese e per consequente va
prender tote su exemplos del Statos Unite e le mundo habera le aspecto de:
imagine domestic e imagine "international desirabile" = "statounitese".
Isto es riscabile, a mi aviso, proque illo pote generar un consumation
europee de benes cultural american _sin le intercambio_, durante que le uso
de interlingua pote avantiar un intercambio _mutual_.

Introducer interlingua como vehiculo general, que on usa quando on besonia
communication extra su lingua native, es como si on sta sur le ripa e
commanda un nave petrolifere de cambiar su curso! Ma, c-----o, il es
amusante probar!

Io promessa de non esser plus tanto utopic, ma pro un avide lector de
libros de fiction scientia il a vices es un tentation, al qual on debe
ceder ;-)

Utopicamente

[log in to unmask]
Kjell Rehnstroem
Vaenortsgatan 87
S-752 64  UPPSALA
Svedia - Sweden