>Mi amicos hungare ha per le annos dicite a me que le melodias que on
>audi in restaurantes non es le original musica hungare ma del romas.

Exactemente!

In Hungaria ("Grande", dunque in le Hungaria "traditional", i.e. le
Bassino Carpatian de facto) il ha un distinction inter le musica popular -
popular in le senso folkloristic - e le musica con tractos characteristic
popular (o al minus con alicun elementos basic popular/folkloristic), cuje
autor on cognosce. In un canto popular (folkloristic) le autor es
incognoscite. Dunque le notion "népzene" (Volksmusik, musica popular) se
comprende in le medios hungare alteremente, que in America de Nord
(country music), o in Germania e Austria, ubi sub "Volksmusik" on
comprende cantos facite per autores e artistas cognoscite e famose; ben
que anque in le germano il ha un distinction inter "volkstümliche Musik"
e "Volksmusik". A nos le si appellate "cigányzene" (Zigeunermusik) es un
musica presentate per musicos tsigan musicamente culte, instructe; illes
presenta "volkstümliche Musik" (musica composite con tractos
characteristic popular/folkloristic) per instrumentos musical in un banda.
Ma nos dice "cigány népzene" (musica popular tsigan) o "cigány folklór"
(non es besoniate traducer isto, io pensa) super le musica original
folkloristic de tsiganos. E le "cigányzene" ("musica tsigan", presentate
in le restorantes in le _urbes_!), dunque le musica "culte" presentate per
musicos instructe tsigan anque non es le musica folkloristic del hungaros,
ma solmente un musica facite ex tractos characteristic
popular/folkloristic e altere elementos musical burgese.

 Pro
>me pro exemplo le melodia "Az a szép..." e qual cosa de oculos, es
>musica traditional hungare.

No; isto es justo un bon exemplo: illo es le plus famose canto hungare in
le mundo, ma illo es artificial, non folkloristic; presentate per bandas
tsigan in le urbes (le quales non del toto sona folklore original tsigan,
ni hungare!).

Péter Kovács

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================