Mi carissime Amico Ingvar Stenström, qui me telephonava le ultime die del
anno 2002, con mi grande satisfaction pro le meraviliose opportunitate que
ille me offereva, scribe hodie, inter altere:
>In un de su sitos Mario Malaguti ha un essayo mie con le titulo
"Problemas fonetic de linguas international o le pronunciation
del lingua international" ex le libro Stenström-Yeager: Tema:
Interlinguistica e Interlingua ISBN 90-71196-17-8.
Illo pote interessar vos, proque illo presenta le motivation de
un pronunciation unitari.
>Il ha un programma de telephonia "de computator a computator"
que se appella CyberTalkOnline. Illo es gratuite e con bon qualitate
del sono. Discarga lo e vos e io pote conversar in Interlingua!
Mi signatura es IngvarSt.
>Ingvar Stenström
Vegagatan 12
S-432 36 VARBERG, Svedia
Tel. +46-/0/340-15053
Tres belle themas, gratias como sempre a Ingvar!
Le prime reguarda mi paginas. Como in mi mal habitude io los publicava e,
postea, io non los curava plus.
Il era le mense de julio del 2002, io recorda alcun dies antea le ultime
Incontro Nordic. Le ultime mi renunciation fortiate causa mi stato de
salute, e totevia io desirava render homage al obra de Ingvar, que io ha in
original.
Postea nos non sentiva nos e io ora sape le natura del grave impedimento per
Ingvar.
In mi paginas il se tractava de render alcun signos del pronunciation
international e io los designava e los assumeva pro un prime representation.
In mi idea io postea voleva perfectionar le designos. Io anque lo faceva,
partialmente, totevia io non completava iste ultime parte del labor.
Al contrario le texto per Ingvar deberea esser correcte, io spera.
Postea io introduceva alcun ligamines e paginas mie, que io non completava
plus.
More solito, io habeva altere interesses e Ingvar tardava a responder a mi
requesta de supervision, assi actualmente vos pote leger mi paginas, como io
los abandonava le estate passate.
Le orthographia es illo collateral como in le texto original per Ingvar.
Qual belle idea, io pensava, publicar le lectura del texto e totevia isto
coincideva con mi problemas con mi vetule computator. Altere idea
abandonate.
Iste Mario!
Si vos vole probar a visitar le paginas e haber patientia con illos, ecce le
adresse:
http://www.malaguti.org/ia/gr/ais/ais01.html
Le secunde thema reguarda le programma CyberTalkOnline. Io lo utilisava e
conversava con Kjell R., postea io debeva renunciar a illo a causa de mi
vetule computator e al manco de spatio in illo.
Le programma functionava egregiemente, io recorda.
Forsan proximemente io lo assumera un altere vice perque ora io ha un parve
nove computator portabile: un Acer Aspire 1302XC con Windows XP Home
Edition. Un altere diaboleria de cognoscer completamente nove. On passa le
vita a apprender, quando io amarea le otio e le belle initiativas que le
otio permitte.
Le tertie thema reguarda mi numero de telephono:
0039 0422 411 073
Probabilemente vos debe componer
+39 422 411 073
Il se tracta de probar.
In mi nove computator io ha reutilisate mi adresse de MSN Messanger ubi il
es possibile chatar e conversar a voce.
Ecce le adresse: [log in to unmask]
Io practicamente non ha horarios de preferentia, perque io dormi quando io
ha voluntate e non perque il es nocte.
Car Ingvar, obviemente io modificara le paginas como tu agradara, ma sin
haste.
Un car ciao,
Mario
|
