~~~~~~~~~~~~~~~~~~~~~~~~~~~~~~~~~~~~~~
[log in to unmask]
[log in to unmask]
http://www.cheshire.net/~jjbowks/home.html
~~~~~~~~~~~~~~~~~~~~~~~~~~~~~~~~~~~~~~
Gratias pro responder tanto tosto a mi message, Stan.  Tu ha un experientia
multo ric in le mundo religiose e il pare multo aperite etiam.  Es
interessante como nos in le lista habe tanto differentias de religion, ma
nos participa in le lista sin judicar unos al alteres super nostre
credentias e fide.

Il es interessante etiam, al minus pro mi, que varie gruppos religiose habe
objectivos similar.  Io es a parlar de le bon voluntate de tu filio in
adjutar a alteres personas e su congregationes extranier. Io derivava multo
placer de poter adjutar como io poteva in le altiamento de varie Salones
del Regno, il son le ecclesias ubi nos le Testes de Jehovah nos congrega
pro adorar e servir a Deo Jehovah e su Filio Jesus, sicut es mi fide
active.  Le Testes de Jehovah son famose in mi area pro poter eregir un
ecclesia in un par de dies.

Il pare un miraculo al personas del vicinitate, io te pote dicer que il sol
es le fortia del sudor e le determination del fidel obreros, e le Spirito
Sancte de Deo que les supporta. Io habe un amico hic in Keene, NH que es un
Baha'i, e in le universitate ubi io studiava il habea un altere juvene que
esseva Baha'i.  Il es bon que nos, le amantes de Interlingua habe
publicationes pro uso con le personas de iste fide pro tentar de interessar
los in le bel lingua international.  Io jam faceva traductiones de
literatura biblic pro uso con le Testes, pro inseniar que le Interlingua es
multo facile de comprender e usar.

Io apprecia multo le effortios de Paolo Castellina in facer le veritates
biblic aperites al publico per medio del Interrete.  Io pensa que il es bon
pro le anima testificar le fide de uno, e intercabiar experientias unos al
alteres. Il es in iste maniera que nos pote vermente comprender unos al
alteres, e devenir a appreciar le puntos de vista de personas differente de
nos.

Gratias pro tu sincer revelation de credentias, Stan.

E nunc si alteres vole dicer nos alco de su fide e su sperantia pro le
futur, hic es un opportunitate de exercitar vostre sonios, io vos promitte
que il non me dara "somno" (tu vide Ensjo, io es a practicar le differentia
inter somno e sonio :-))

Amicalmente,
Jay B.

> de: Stan Mulaik <[log in to unmask]>
> a: [log in to unmask]
>  : Re: Cross-pollination, Bogota e Atlanta
>  : Sunday, March 09, 1997 9:33 PM
>
> Jay,
>    Mi filio se jungeva le ecclesia de su sposa, le Assemblea de Deo.
>    Io mesme pertine a necun religion, ben que io es ben legite in le
> theologia e le philosophia.  Quando un studente in le universitate, io
> studiava le Theologia Systematic de Paul Tillich.  Previemente io esseva
> un Baha'i, mais io maturava in mi pensata post incontrar alcun buddhistas
> de zen, qui pareva haber necun theologia ni doctrinas. Hodie io es un
> typo de pantheista, vidente Deo in le realitate circa nos, como le hindu
> qui regarda le individualitate como un illusion: vos es realmente le
> mundo. Vos es sempiterne.  Deo es le fundamento de esser (secundo
Tillich).
>    Stan