From: "Kjell Rehnstrom" <[log in to unmask]>
> Durante iste tempore del anno on passa multe edificios ubi il ha signos
> que averta que on non debe passar troppo proxime al parietes del
> edificios, nam on curre le risco que glacie cade del tecto in le capite
> de un persona passante.

Car Kjell,
Io comprende ben lo que tu dice!
Jam alcun annos retro io habeva un
experientia ubi un pecia enorme de
glacie cadeva ab le tertie etage e
choccava me al capite! Io recipeva
lascerationes e le doctor commandava
que io remane al hospital per alcun
horas pro observar si io recipeva un
contusion cerebral! Ma toto vadeva
ben, io nunc ha un bon excusa pro
mi folle senso de humor, io lo culpa
sur ille accidente! :-))) Ma in serio,
hic in Nove Anglaterra nos habeva
un hiberno jam cinque annos retro
con glacie de proportiones incredibile!
Il habeva domos ubi le glacie esseva
plus de metro e medie longe e plus
large que mi gamba, e illos son multo
large :-))) e de vice a vice iste formationes
se rumpeva e cadeva al strata, como
missiles... io memora un septimana ubi
alcun del citates in le area perdiva lor
electricitate per varie dies a causa del
glacie sur le lineas o cablos electric.

Ma le primavera se approxima! Heri
esseva un die de sol in Nove Anglaterra,
malgrado le novas tristissime e choccante
del suffrimento in Espania con le attaccos
terrorista, hodie nos habeva nive ancora.

Con calide salutationes amical,
Jay B.