Stan scribeva:

> Le ratio io ha jungite me a Latin-L es a exponer interlingua
> al inseniantes del latino pro monstrar su possibilitates como un > lingua similar al latino vulgar o popular.  Illo anque insenia le > vocabulario.
>
> Que pensa vos?

Io es completemente de accordo con tu opinion.  Al latere
opposite del strata ante mi casa un nove schola private es
sub construction.  Io ha parlate con le director del schola
super interlingua.  Ille ha facite se prestar mi dictionario
IED e mi grammatica.  Io dubita que ille se optara pro inseniar
interlingua, ma ille lo trovava multo interessante.  Le problema--
in mi opinion--non es que ille trovara interlingua indigne, ma
que ille time que le parentes del studiantes non appreciara
que ille face un programma troppo experimental con lor infantes.

(Mi problema nunc es que ille ancora retene mi libros, e io non
vole facer le demanda que ille me los retornara troppo tosto...)

-- frank