Car amicos de interlingua!


Ora io vos consilia un bon maniera de experientiar un lingua auxiliar parlate, proque io pensa, linguas servi primarimente pro communicationes oral e un lingua vive vermente si illo es parlate. E interlingua es bellemente parlabile!

Radio Interlingua presenta su sexte emission, intendite pro januario 2008.

Pro isto illo vole prender condego e salutar le nove anno per un poco plus de humor que usualmente: burlas appare in le initio del programma, 

primo Giovanni Nappi, interlinguista neapolitan narra un burla super le stupide jelosia. 

Postea le moderator Alberto Mardegan, interlinguista italian de Finlandia, tresorero de UMI, ex-presidente del association Interlingua Italia saluta le ascoltatores e les informa super le contento. 

Post isto un co-moderator, le professor eminentissime, laudabile, insubstituibile, omnisciente, honorate e estimate dr. Ranto Espe entra a in le programma e inaugura le sequente parte del programma, in le qual se audi promissas al occasion del nove anno, le quales on pote realisar in tote le casos durante un integre nove anno - traducite e narrate per le redactor Péter Kovács. 

Postea le professor de philosophia Ranto mesme presenta le "grande questiones de vita" (in traduction de Péter Kovács) - questiones que son
difficilemente a explicar e pro isto require plus de recercas scientific e plus de meditation a resolver... 

Post isto le omnisciente professor Ranto Espe non vole dar le microphono a alteres e ancora presenta al ascoltatores aphorismos, sententias prudente - in le traduction de Péter Kovács.

Post le rubrica humoristic le redactor Péter Kovács mesme parla super le musica, que ille ha seligite pro le emission - a saper: fragmentos del XIVte Rhapsodia Hungare de LISZT Ferenc, le hungare compositor e virtuoso de pianoforte. 

Assi isto ben introduce le continuation del interview con un altere hungaro e altere Ferenc - JESZENSZKY, le coordinator linguistic de UMI, representante hungare de interlingua. In iste secunde parte del interview JESZENSZKY Ferenc parla super su relation con interlingua e super questiones linguistic.

Le emission pote esser ascoltate, respectivemente discargate p. ex. de ci:

http://www.interlingua.com/node/596

Sur le mesme pagina vostre commentarios textual son equalmente benvenite!

Le redactor spera, que vos va diverter vos tamben con iste programma de Radio Interlingua!

Péter Kovács

--
Archivos e disabonar: http://listserv.icors.org/archives/INTERLNG.html