Car amicos!
Le ultime chat in sabbato succedeva ben, quamquam nos esseva solmente quatro. Ma Ingvar Stenström esseva presente, de plus un novicio brasilian (Dave), qui me incontrava in le rete, recercante secundo le lingua (a me illo es signate, como interlingua...) in un programma de chat. Ille se interessa super interlingua, ben que ille non lo parla ancora (durante le prime incontro de nos ambes in le rete ille scribeva in portugese, e io in interlingua), ma ille comprende toto.
Le sequente chat de / in interlingua occurera mercuridi (deman!), le 29 de septembre, post le 21e hora secundo le tempore de Europa Central del estate (dunque del 19e hora secundo le calculation universal - UTC); al canal #interlingua del servitor Discussioni.
Per favor inviar iste message o le information al listas national de interlingua (interlingua Italia, interlingua_ger, etc.), de plus a coollist, proque io non ha accesso a illos, e pote esser, que il ha alicun interlinguistas, que non son membros de iste lista INTERLNG, assi illes non poterea ser informate super le dato del chat.
Le accesso al chat ha tres manieras, selige lo, que es le plus amate o plus simple pro te (o al minus, que functiona a te... :) )!
1) Vade al sito official de interlingua http://www.interlingua.com (le
ligamin immediate es: http://www.interlingua.com/practica.htm#irc ), e
solmente seque le instructiones.
2) a) Vade al sito: http://www.discussioni.org/cgi/irc.cgi , b) scribe in
le quadretto "nickname" tu proprie pseudonymo in vice del nomine
apparente, c) substitue le nomine del camera, le qual appare
automaticamente in le quadretto "channel" al #interlingua (per favor non
oblidar le signo #), e d) postea solmente clicca al button "Login"! E tu
post momentos trovara te in le camera del chat de interlingua!
3) a) Usa un cliente de IRC (p. ex. le programma mIRC, etc.), b) selige le
server irc.discussioni.org (del lista del programma, o per le ordine
de irc: /server irc.discussioni.org ) c) selige le camera de interlingua,
( #interlingua) secundo le maniera determinate per tu programma, o per un ordine de IRC: /join #interlingua .
A revider a mercuridi!
KOVA'CS Pe'ter
Hungaria
|
