A continuar mi conto del visita al museo del Mundo de Coca-Cola in
Atlanta...

Durante le prime 25 annos de su existentia, Coca-Cola esseva vendite a
pharmacias como un biberage in un vitro servite a un tabulo o banco in
le pharmacia.  Coca-Cola habeva movite foras Atlanta a altere citates in
le Statos Unite.  Illo esseva annunciate publicamente con picturas de
famose actores e actrices.

In circa 1923 duo commerciantes approchava Chandler, le proprietator de
Coca-Cola con un proposition. Illes voleva vender Coca-Cola in botillias.
Chandler ascoltava a lor proposition.  Ille esseva amusate.  "Vostre idea
es stupide! Mais io va vender le derecto a vender Coca-Cola in botillias a
te, pro solmente $1."  (Ille reteneva le secreto del formula pro facer le
sirop de que Coca-Cola es facite).  Ille venderea les le sirop, e illes
miscerea lo con soda a poner le mixtura in botillias.  A iste tempore illes
creava un nove bottilia in que a vender le biberage.  Illo habeva un
forma distincte, que es hodie famose in tote le mundo.  Un del commerciantes
qui vendeva le biberage in botillias esseva Sr. Woodruff.  Ille tosto deveniva
le chef del nove compania de Coca-Cola.  Ille  habeva un vision.  Ille
venderea Coca-Cola in tote le mundo.  Post 1928 Coca-Cola esseva in multe
partes del mundo.  Illo esseva ponite in bottilias in Italia, Germania,
Francia, Sveda, China, Anglaterra.  Le commerciantes de Coca-Cola deveniva
multo ric.

Le expositiones in le museo moveva per le tempore, monstrante le imagines
de belle feminas in costumes de banio, pro publicitizar lo, del varie
decades.

In le museo esseva un fontana de sodas, con un juvene homine qui vendeva lo
de su banco.  Il habeva un cinema con portas que aperiva e claudeva
automaticamente.  Tu pote vider como Coca-Cola es in tote le partes del
mundo.  Illo non es justo un biberage american, mais un biberage del
mundo.

Coca-Cola es un corporation multinational.  Su centro de administration mundial
es aqui in Atlanta in un grande edificio que sta super le campo de Georgia
Tech.  Su commerciantes qui habeva devenite multo ric da milliones a varie
institutiones.  Le Universitate Emory es le beneficio de multe de iste
milliones de dollares. Mi sposa esseva un professor del infirmera in le Schola
de Infirmera a Emory que recipeva su moneta de un sposa de Woodruff.

Mi sposa e io al museo eventualmente arrivava al secunde plano.  Alla nos
discoperiva un dispensario de Coca-Cola libere.  Le maniera in que tu
obteniva tu vitro de Coca-Cola esseva inusual.  Le machina que dispensava
le Coca-Cola recipeva le biberage per arcos del biberage fluide producite
per un machina al retro.  Le fluide volava per le aer in un arco e arrivava
a tu machina dispensator  sin battimento. Il esseva fascinante a observar
iste arcos de Coca-Cola que vadeva per le aer plure metros sin alcun
vaporization o irroration, a entrar tu machina dispensator sin battimento.

Finalmente nos trovava le scala al prime plano, ubi nos discoperiva un
magazin de souvenires.  Con granfilias e un granfilio, nos non poteva
resister le parve ursos polar, e comprava tres. Pro un parve granfilia
nos comprava un balla con le nomine "Coca-Cola" super lo.

Nos decideva que Coca-Cola sape como a facer le moneta, e a facer le
publicitate.

In le museo con nos esseva centos de gentes de tote le partes del mundo.
Isto es un attraction de touristas major in Atlanta.

Stan Mulaik