Car amicos,

Il ha in iste gruppo INTERLNG multe interlinguistas de bon voluntate qui
pote pensar:

Qui vole realmente iste personas del Academia pro Lingua International?

Esque illes vole que alicun interlinguista passa ab Interlingua ad Romanica?

No! De ulle maniera, nos non es si miserabiles!  Illes qui parla e scribe in
Interlingua jam sape completemente le Lingua International!!!

Nos non propone que le interlinguistas apprende Romanica pro aggrandir le
numero de personas qui supporta Romanica. Isto non es necessari, perque e le
interlinguistas e le romanichistas jam sape le Lingua International.

Nostre battalia es altere cosa. Nos vole que le interlinguistas apprende
Romanica e/o alicun lingua romanic (passivemente al minus) con le scopo de
poter participar in dialogos con romanophonos natural de qualcunque parte
del mundo, pro poter comprender a romanophonos in lor lingua.

Interlingua non es esperanto. le esperantistas solmente pote communicar con
altere esperantistas.

Interlingua es un altere cosa. Illo permitte communicar con centos de
milliones de personas in le mundo, ma iste communication non debe esser
partial. Nunc iste communication es partial: on es comprendite, ma non
comprende. Le interlinguista debe saper comprender al romanophonos qui
scribe (o parla) in lor linguas romanic (espaniol, francese, portugese,
italiano, ...), pro poter scriber (parlar) les in interlingua, e assi
fortiar les a acceptar con naturalitate le existentia de iste lingua franca,
o simplemente pro facer les saper que illo existe.

Io ha confidentia que multes inter vos va comprender iste idea, ma si illo
non esseva assi, le mundo es multo grande e nos sapera CREAR nove
interlinguistas (=linguainternationalistas) mesmo sub le petras.

Imbracios amical

Josu Lavin

--
Archivos e disabonar: http://listserv.icors.org/archives/INTERLNG.html